Lafaek news (Maubise)–Centru Nasional Chega (CNC) ho Konsellu Imprensa (KI) prémiu apresiasaun ba jornalista sira husi Rádiu Komunidade sanulu resin lima (15) iha Maubisse munisípiu Ainaru.
Prémiu ne’e tuir lolos tinan kotuk nia ba selebrasaun CNC Nia atu fo ba Kolega Sira husi radio komunidade sira ba parseiru ne’ebe mak halo ona iha tinan kotuk liuliu iha papel ne’ebe mak Centro CNC hlo ba radio komunidade sira atu fasilita no transmite iha idaidak Nia municipiu,” dehan Gaudêncio ba jornalista lafaek news iha salaun Parokiál Maubise, sesta (01/04/2022)
Nia hateten, kna’ar jornalista hanesan vokasaun ida, se ema ne’ebé mak hakarak sai Jornalista mak nia tenke fo nia an tomak hodi servisu hanesan Jornalista iha nasaun Timor Leste, ba jornalista sira husi televizaun, jornal no media online sira prémiu Maria Goreti nafatin loke ba jornalista sira iha tinan ida ne’e.
Ami sei hare’e ita bot Sira ninia produsaun no saida mak Ita boot sira hakerek hodi kontribui ba pàz, tan ne’e CNC sei halo monitorizasaun ba ita bot sira nia produsaun, no premiu Maria Goreti nafatin Loke ba jornalista Sira iha tinan Ida nee,” dehan nia
Nune’e, iha tinan kotuk husi jornal indepedenti, no husi media online Lafaek News mak hetan prémiu Maria Goreti, enkoraja nafatin Jornalista sira atu produs nafatin produsan ida ne’ebé mak diak hodi kontribui ba paz dezenvolvimentu ba prémiu Maria Goreti iha jornalismo ba pàz.
Entretanto Jornalista Dulce Santina Belo hanesan reprezentante rádiu komunidade, agradese tebes ba CNC durante ne’e halo kooperasaun ho rádiu komunidade sira hodi publika informasaun liu husi kanál radio
Liu husi prémiu ne’e ha’u agradese tebes tanba ida ne’e hanesan prémiu apresiasaun ida mai ami sei la haluhan oinsá atu kontinua nafatin ami Nia knaar hanesan Jornalista hodi kontinua partilla informasaun hanesan jornalizmu ba pàz hodi kontribui ba sobrevivencia,”Dulce hakotu
Entretantu radio Komunidade ne’ebe mak simu premiu apresiasaun husi CNC kompostu radio Komunidade Matebian Baucau, Rádiu Komunidade Tokodede Likisá, Rádiu Komunidade Oe-kuse, Rádiu Komunidade Raihusar Aileu, Rádiu Komunidade Kafe Ermera, Rádiu Komunidade Lospalos, Rádiu Komunidade Povo Lospalos, Rádiu Komunidade Kovalima, Rádio Komunidade Maubise, Rádiu Komunidade Lian Tatamailau Ainaro, Rádio Komunidade Sahe Bukoli no Radio Komunidade Lian manukoko Atauro
Jornalista : Domingas Viana
Editór : Agapito de Deus
