Lafaek News--Prezidente Repúblika Francisco Guterres Lú Olo, afirma mandatu governu ne’e nian tama ona iha tinan ikus, membru governu emposadu hatene oinsá hatutan buat di’ak no hatene uza rekursus no meius ne’ebé iha ho matenek, kreataividade no rigór atu ajuda VIII governu.
Francisco Guterres Lú Olo deklara asuntu ne’e hafoin fó posse ba membru VIII govern sira kompostu hui Ministru Justisa Tiago Sarmento, Ministru Obras Públikas Abel Pires da Silva, Vise-Ministru Finansas António Freitas no Sekretáriu Estadu ba Asuntus Kombatentes Libertasaun Nasional Júlio da Conceição ‘Loro Mesak’ iha Palásiu Prezidensiál bairo-pite tersa (22/03/2022).
Mandatu Governu ida ne’e nian tama ona iha tinan ikus no hau hakarak fiar katak membru ida-idak emposadu ohin, hatene oinsá hatutan buat diak ne ebé ninia antesesór halo ona no hatene uza rekursus no meius ne ebé nia iha, ho matenek, kriatividade no rigór atu ajuda VIII Governu luta ba hadiak komunidade sira-nia moris, iha País tomak”, dehan atùal Presidente Repúblika Francisco Guterres Lú Olo hafoin fó posse ba membru VIII Governu na’in-4 iha Palásiu Prezidensiál bairo-pite, tersa (22/03/2022).
Lú Olo mos preokupa taxa ki’ak ne’bé as tebes, ema balun riku ba bei-beik, maioria mal-nutrisaun (haan ladi’ak), liu-liu labarik sira-nian, atraza dezenvolvimentu umanu no ida ne e sai preokupasaun boot ida tanba afeta rikusoin boot liu jerasaun futuru nian.
Importante tebes kontinua kombate kiak no mal-nutrisaun ho ita-nia forsa tomak atu ita bele iha jerasaun foin-sae timoroan saudável liu no ho kapasidade boot liu atu intervein iha área oioin dezenvolvimentu, iha tinan sira tuir mai”, afirma Lú Olo.
Tuir Lú Olo katak, Jerasaun foin-sae Timoroan hein husi governu, polítika ne’ebé bele garante partisipasaun tomak iha atividades dezenvolvimentu nasionál no nune’e importante tebes hasa’e oportunidade empregu ba foin-sae sira.
Iha fatin hanesan imposadu Ministru Obras Públikas Abel Pires da Silva haktuir, tempu ida ne’ebe adekuadu liliu buat sira ne’ebé mak presiza, hodi servi povu, hanesan projetu prioridade sira, infraestrutura nian, esforsu atu labele akontese kalamidade.
Tempu ida ne’ebe adekuadu liliu buat sira ne’ebé mak ita presiza hodi servi ita nia povu, hanesan prozetu prioridade sira, infraestrutura nian estrada, ponte, presiza mos halo rekuperasaun ba kalamidade, I mais importante mak oinsa atu halo, esforsu para atu bele impaktu kalamidade ne’e labele akontese tan tinan oin, tinan tinan udan maibé ita mak tenke esforsu hodi halo prevensaun”, dehan Ministru Obras Públikas,hafoin simu posse.
Jornalista : Rita Moniz
Editor : Agapito de Deus
