Lafaek News-Kandidatu númeru sorteiu 14 premiadu Nobel da Paz José Manuel Ramos Horta manan maioria iha sentru votasaun EBC1 Farol total votus 1.144
Sentru votasaun EBC1 Farol fatin votasaun ba kandidatu númeru sorteiu 6, Francisco Guterres Lú Olo, akompania husi espoza Sidalia Mouzinho Guterres, no Sekretáriu Jeral partidu FRETILIN Marí Alkatiri, Prezidente Parlamentu Nasionál Aniceto Guterres, no militantes sira partidu FRETILIN.
Total votantes iha sentru votasaun EBC 1 Farol hamutuk 1.953, mane 1013, feto 940, total votus ne’ebé mak tama iha kaixa laran hamutuk 1.952, votus validu hamutuk 1.926, Nulo 21, branku 3, reklamadu 1, abandonadu 1, total votu hamutuk 1.952, fatin votasaun ne’e iha estasaun hamutuk 4″, deklara Presidente sentru votasaun EBC1 Farol João de Castro Souza hafoin remata kontajen votus iha EBC 1 Farol sabadu 19/03/2022.
iha kontajen ikus iha sentru votasaun refere, kandidatu Isabel Ferreira ho votu 11, Hermes barros votu 6, Maria Ângela Freitas votu 1, Rogerio Tiago Lobato votu 2, Anacleto Bento ferreira votu 5, Francisco Guterres Lú Olo votu 297, Maria Helena votu 57, Tito da C.Cristovão”Léré anan Timur votu 161, Armanda Berta votu 54, Antero Bendito votu 1, Constansio pinto votu 3, Virgílio da Silva Guterres votu 17, Martino Gusmão votu 5, José Ramos Horta votu 1.144, Felizbertu votu 2 ho Mariano Asanami Sabino votu 105.
Iha kontajen votus eleitores kuaze barak mak partisipa, kontajen votus ne’e bainhira fiskais STAE sira Lee sai no foti sai kandidatu numeru sorteiu 14 eleitores sira hatudu sentimentu kontenti hodi hakilar no basa liman, kontajen votus ne’e lao di’ak, hetan seguransa masimu husi polisia Nasionál Timor-Leste (PNTL), observador husi nasionál no internasiónal situasaun lao di’ak too kontajen votus remata.
Sentru votasaun EBC1 Farol utiliza Sala hamutuk haat ba estasaun votus hodi eleitores sira vota, kontajen votus hamutuk urna ualu, kontajen votus ne’e hahu husi tuku 15:00 too kalan 23:20 oras Timor-Leste, entretantu, rezultadu provizóriu husu RAEOA Oe-kusse, kandidatu númeru 14 hetan votus 18.494, kandidatu númeru 6, hetan votus 10.473, kandidatu númeru 9 hetan votus, 2086, no kandidatu númeru sorteiu 16 hetan votus 1828.
Jornalista : Rita Moniz
Editor : Agapito de Deus
