Lafaek News- Defisiénsia fíziku Rosa Pires Silva ho idade 62,n aldeia Halibur suku Motael, hamonu matan-wen iha sentru votasaun hodi husu ba kandidatura nain 16 atu labele insulta malu, ema ida maka manan mos laiha buat ida, maibé tenke prontu atu hare’e povu lori ba dalan diak.
Ha’u husu se mak atu manan permanente tau ba estrutura atu Timor ne’e iha unidade rai labele funu, labele istori malu ema ida mak manan mos laiha buat Ida, maibé ha’u husu de’it tenke hare’e povu ne’e di’ak,”defisiénsia Rosa balafaek news hafoin vota iha sentru votasaun eskola primaria Farol suku Motael, sábadu (19/03/2022).
Defisiénsia ne’e husu Prezidente Repúblika foun tenke halo jestaun ba nasaun ho di’ak tau matan ba ema terseira idade (idozus) sira nia moris, haree mos labarik kiik oan sira atu asesu edukasaun ho di’ak, dezenvolvimentu ba infratrutura, saúde atu povu kiik iha areas remotas bele asesu ho dignu.
Hili Ema Ida ne’ebe mak iha fuan osan mean no kakutak matenek atu Lori nasaun Timor ne’e ba diak ida ne’e mak importante, respeita malu labele oho malu, hili Ema ne’ebe mak iha fuan osan mean no kakutak matenek ne’e atu Lori Timor ba di’ak ne’e mak importante,”dehan defisiénsia
Nia hatutan nia, tanba moris iha mundu ne’e provizoriu de’it, mate hotu ona, ne’ebé ema seluk mak sei troka fali hodi kontinua, maibe husu ba kandidatus hotu atu simu rezultadu ho fuan boot, lakohi rai ne’e nakonu ho insulta-malu no mata-wen husi povu kiik.
Jornalista : Domingas Viana
Editor : Agapito de Deus
