Lafaek News- Rezultadu monitorizasaun husi Institutu Para a Defesa dos Direitos Criansas ( INDDICA), iha terenu durante periodu kampaña eleisaun prezidensial mosu insidentes iha militantes husi kandidatu númeru sorteiu 6.
Iha loron 14 fulan Marsy tinan 2022, ekipa INDDICA,IP halo monitorizasaun ba kampaña eleitoral kandidatu ho númeru sorteiu neen (6), iha momentu ne’e mak mosu Incidente husi militante partidu politika Fretelin hasoru membru INDDICA,IP nain ida 1 ne’ebe hetan tuku iha parte ulun, tan ne’e INDDICA,IP kondena asaun violentu ne’ebe autor ne’e komete,” Informa Portavoz Jose Turki iha Salaun INDDICA Kaikoli, Tersa (15/03/2022).
José dehan, INDDICA,IP servisu hamutuk ho parseiru hotu ne’ebe fokus ba direitu no protesaun ba labarik hakarak rekomenda ba partidu polítika sira atu eduka militante sira.https://lafaeknews.tl/cne-husu-kapres-kumpre-lei-no-regulamentu-kampana/
Lideransa partidu polítika sira hotu liu-liu Partidu istóriku Fretilin atu eduka ninia militante sira hotu hodi respeita entidade sira seluk ne’ebé halo servisu nakait ho kampaña eleitoral, Ekipa susesu partidu polítika nian hodi mantein ordem iha kampaña eleitoral no respeita ekipa observador Nasional no Internasional sira; Ekipa seguransa partidu polítika sira tenke kontrola militante partidu polítika ne’ebe konsumu alkool,” katak portavoz INDDICA.
Nune’e, INDDICA rekomenda ba CNE no STAE atu tau regulamntu ne’ebè maka rigorozo hodi hasoru hahalok violentu ne’ebé mosu iha periodu kampaña.
CNE no STAE nudar orgaun eleitoral hodi tau regulamentu ida ne’ebe rigorozo hasoru hahalok Violentu hasoru ekipa monitorizasaun husi instituisaun indepedente sira; INDDICA, IP mos kondena aktu violensia refere no sei hato’o ba CNE no STAE,”
Tanba ne’e maka atu Reforsa ho dekreto Governo nu. 2/2022 10 de Janeiro konaba regulamento atividade observasaun no monitorizasaun elisaun ba Presidente Republika no dekretu lei nu. 4/2021, 27 de Janeiru fo biban ba Instituto Para a Defesa dos Direitos da Criança.
INDDICA, IP halo nia knar defende no salva guarda direitu labarik, atu haburas festa demokrasia ida ne’ebe nakonu ho paz, estabilidade, krédivel, seguru no termina konfiansa hili Presidente Republika ba povo Tomak ho nia konxiênsia ba kandidatu ne’ebe povo tau fiar iha nia idéologia no programa, maka organizasaun independente tantu Nasional no Internasional kontinua akompaña lalaok kampaña elitoral ida, ne’ebe demokrátiku nafatin sai hanesan impedimentu ba prosesu harii paz no estabilidade durante periodu kampaña hasoru membru Instituisaun independente sira” Nia Hakotu.
Jornalista : João Soares
Editor : Agapito de Deus
