Lafaek News- Segunda 14/03/2022 kampaña ba dala 15 kandidatu númeru sorteiu 6 Francisco Guterres Lú Olo deklara ba militantes husi postu administrativu Don Aleixo Komoro no Vera-Kruz, mandatu Prezidente Repúblika 20 de Maiu 2022 remata, lei inan fo dalan hela atu bele kandidata an dala ida hodi hametin liutan estadu diretu demokrátiku.
“Ha’u nia mandatu Presidente Repúblika 20 de Maiu agora hotu ona, lei inan ita nia fo dalan hela atu bele kandidata an dala ida ba períodu tuir mai, bainhira ha’u sukat kbiit tomak atu sai Presidente Repúblika atu hametin estadu Demokrátiku, signigika estadu ida ne’ebé povu tomak ho nia vontade harii depois de funu naruk ida, 24 ita mate ita terus, ita nia aman sira,oan sira lakon iha ita nia sorin”, deklara Kandidatu numeru sorteiu 6 Francisco Guterres Lú Olo iha kampaña ba dala 15 iha kampu Futebol Comoro segunda 14/03/2022.
Ho Vontade tomak luta too manan laos oferta husi ema seluk, maibé obra rasik, povu nia obra rasik liu husi sakrifísiu no terus, matan been mak foin hari estadu ida, estadu hamrik ho lei, atu hodi afirma ita nia independénsia,’’ dehan kandidatu númeru sorteiu 6.
Tuir Kandidatu Lú Olo, estadu direitu demokrátiku la naton deit ba ida ne’e harii estadu presiza hatene sidadaun sira nia direitu no liberdade sira, hatene mos forma organizasaun estadu nian, oinsa mak halo podér polítiku exerse estdu ida ne’e, atu bele garante sidadaun sira nia direitu no liberdade.
https://lafaeknews.tl/juventude-120-suku-ailok-deside-apoiu-lu-olo-alkatiri-hatoo-well-come/
Estadu la’os liu husi ema nia vontade di’ak atu ukun rai ida ne’e, vontade sim ita ema, maibé ita nia vontade ida ne’e tenki lao ho Konstituisaun sira atu nune’e orgaun hotu-hotu bele Lao tuir dalan loos”, dehan Lú Olo.
Observasaun iha kampaña Kandidatu númeru sorteiu 6 Francisco Guterres Lú Olo ba dala 15 ne’e, hetan partisipasaun husi militantes no simpazitantes partidu FRETILIN postu administrativu Don Aleixo, ho postu Vera-Kruz, observasaun husi, STAE, CNE, observador husi nasionál no internasional sira, hetan Seguransa husi polísia Nasionál Timor-Leste munisípiu Dili, Kampaña Kandidatu númeru sorteiu 6 sei remata aban iha Tasi-Tolu 16/03 tuir oráriu CNE.
Jornalista : Rita Moniz
Editor : Agapito de Deus
