Lafaek News (Lospalos)–Kandidatura independente, Isabel da Costa Ferreira nia komprimisu polítika hateten, nia parte kandidata an ba prezidente repúblika atu hetan osan hodi serve de’it ba an rasik, maibé hakarak sai inan ba nasaun hodi hadia netik povu kiik sira nia moris.
Se hanoin de’it ba ami nia an, ami la mai ho poder ida ne’e, tanba buat ne’ebé ami iha hanesan familia sira seluk natoon ona, oan tolu de’it la presiza buat barak, maibé la hanoin de’it ba ami nia familia, tanba hadomi povu ida ne’e rai ida ne’e, mak ami hakarak mós partisipa iha politika atu bele kontribui ba nasaun,” dehan Isabel Ferreira iha nia mini kampaña datoluk iha kampo futebol Lospalos, sesta (04/03/2022).
hodi dehan, razaun fudamental tanba hadomi povu no nasaun ne’e mak partisipa iha polítika atu bele kontribui dezenvolvimentu nasaun nian hodi liberta povu husi kiak ho mukit. https://lafaeknews.tl/isabel-husu-juventude-prepara-an-labele-monu-ba-riku-nia-poder/
Razaun ida ne’e mak dudu ami, fó forsa mai ami, fó kbiit mai ami atu bele dudu ami atu halo desizaun hodi kandidata an ba Prezidente Repúblika ha’u prefere ativista, tanba atu defende povu nia direitu hanesan mós tempu ne’ebé luta, maibé iha ukun an ne’e hatudu diferente katak ó hanesan ativista de’it labele muda buat ida, se hakarak atu muda buat ida tenke tama iha vida politika, tan ne’e mak ha’u kandidata ha’u nia an, prezidente la’os ha’u nia objetivu, prezidente hanesan meius ida de’it para ha’u bele alkansa ha’u nia objetivu, previlejiu ha’u la presiza,” katak Isabel Ferreira.
Isabel dehan, ema balun bele halo perguntas, la’en Primeiru Ministru tiha ona, fen hakarak mai tan sai prezidente repúblika, sira hanoin sira mak di’ak liu de’it atu ukun nasaun ida ne’e?
Hakarak hatete ba ita boot sira se haree ba poder, ha’u Isabel Ferreira lakoi hamriik iha ne’e hanesan kandidatu, ha’u dehan ona ha’u nia kandidatura ba prezidente repúblika atu mai ho objetivu no mehi ida ba rai ida ne’e, ba povu ida ne’e paz estabilidade no moris di’ak ba povu no rai ida ne’e,” hakotu Nia.
Observasaun Lafaek News nota iha mini kampaña ne’e maske ho kondisaun udan maibé partisipa másimu husi komunidade sira, Uniaun Europeia (UE), Komisaun Nasionál Eleisaun (CNE), autoridade lokál, militante Partidu Libertasaun Popular (PLP) no kamapaña hakmatek tanba asegura husi Polisia Nasionál Timor-Leste (PNTL) Lospalos no Batallaun Orden Públika (BOP).
Jornalista : Juvita dos Santos
Editor : Agapito de Deus
