Lafaek News (Ainaru)-Amu Vigáriu Parókia Ainaro, Eugénio Redentor Marquês rekomenda ba kandidatus prezidente repúblika periodu 2022-2027 hamutuk 16, atu labele insulta malu maibé tenke ko’alia de’it ida-idak nia programa iha palku diskursu.
Ohin ita hahú ona kampañia eleisaun prezidensial ninian ita mós halo ita nia jejúm ida ne’e no penitência orasaun bá ita nian,”dehan Amu brigario,bá jornalista lafaek news iha parokia Ainaro,Quarta ,(02/03).
Nia afirma, sarani hotu halo orasaun ba rai Timor atu nafatin paz no reza bá mós kandidatus sanulo resin neen (16) ne’ebe hahú ona kampañia bá eleisaun presidensial ninia atu evita insultu malu.
Ohin ikus ha’u dehan, buat rua la’o dala ida iha tempo ida ita kumpre ita nia obrigasaun nudar sidadaun bá iha eleisaun sira e mós ita kompri ita nia obrigasaun nudar sarani bá ita nia moris sarani nian,más rua ne’e lá haketak malu ida, rua ne’e hamutuk, tanba ne’e,wainhira ita hanoin karidade ita mós hanoin mantein paz,’’ nai lulik ne’e sublina.
Nai lulik ne’e husu kandidatus prezidente repúblika hamutuk 16 ne’e tenke ko’alia loos de’it sira nia programa, vizaun no misaun ba povu atu hatene hodi hili tuir povu nia konsiénsia.
Jornalista : Domingas Viana
Editor : Agapito de Deus
