Lafaek news (AInaru)-Kandidatu Prezidente Repúblika periodu 2022 -2027 ho númeru sorteiu 9, atual Prezidente Kmanek Haburas Unidade Nasional Timor Oan (KHUNTO), Armanda Berta dos Santos, afirma bainhira hetan fiar husi povu sai Prezidente Repúblika sei servisu maka’as hodi hasai pvu husi kiak no mukit.
Armanda Berta hatoo asuntu ne’e iha kampania aberta iha munisípiu Ainaru kuarta (02/03/22), no husu militantes no simpatizantes partidu KHUNTO halo servisu maka’as lori mensajen ba Timor-oan sira atu vota ba númeru iha loron 19 Marsu tinan ne’e, atu hili prezidente feto ida ne’ebé hadomi povu no hadia ekonomia iha baze atu moris nesesidades sosiedade tomak nian.
Se karik imi fo fiar mai ha’u hodi eleitu ba prezidenti Republika ba periodu 2022-2027 Hau Sei halo dezenvolvimentu atu lori povu ba Moris diak ,” Dehan Armanda Berta ba lafaek news iha Ainaro iha Nia deskursu 02/03/2022. https://lafaeknews.tl/berta-feto-uniku-lideransa-iha-timor/
Atu alkansa progresu no prosperidade povo presisa tebe-tebes ambiente ida ne’ebé iha paz, tanba se laiha paz Sei laiha dezenvolvimentu, laiha paz povu sei la goza prosperidade iha sira ninia moris loro-loron.
Atu atinje primeira misaun estabilidade nu’udar nasaun Ukun Rasik An seguransa rai laran unidade, estabilidade no polítika nasional sai nu’udar sasukat no determinasaun ba progresu dezenvolvimentu iha ita Nia pa ís atu lori povu ba Moris Diak hanesan nasaun Sira seluk ,” tenik Nia
Armanda Berta dos Santos dehan, Timor Leste presiza polítika ida ne’ebé estavel no tenke hametin polítika interna no esterna ne’ebe diak ho dezenvolvimentu nasional interna ho konsistente ho nasaun sira seluk ne’ebe durante ne’e apoiu liu husi kooperasaun bilateral iha area edukasaun no kultura.
Atu implementa Hau Nia misaun Hau Mai ho Hau Nia komprimisiu ne’ebe mak Hau Sei halo ba imi Hotu karik imi fo fiar ba hau Hau Sei servisu makaas ba imi iha parte Hotu atu bele garante estabilidade politika interna Liu husi instrumentu estadu ne’ebe forti atu bele garante dezenvolviment,”dehan Armanda
Jornalista :Domingas Viana
Editor : Agapito de Deus
