Lafaek News–Konselleru máximu partidu Kmanek Haburas Unidade Nasional (KHUNTO), José Naimori dos Santos Bukar, hateten kandidatus eleisaun prezidensial periodu 2022-2027 hamutuk 16, ema ne’ebé mai ho karakter sosial no simplesidade mak Armanda Berta dos Santos úniku lideransa feto iha nasaun Timor Leste.
Ema Ida ne’ebe mak Agora atu kandidatu an ba Prezidente Repúblika ba períodu 2022-2027, ema ida ne’ebé mak mai husi povu nia oan Mai ho simplesidade hanesan ita boot sira han hamutuk, ko’alia hamutuk, hanesan familia Ida mak so Berta laiha tan seluk iha Timor,” dehan Naimori Bukar ba Lafaek News Iha Ainaru, tersa (01/03/2022)
Berta hanesan kandidatura ida ne’ebé forte iha Timor Leste, ema hotu-hotu prekupa teb- tebes katak Berta bele manan mos iha eleisaun ida ne’e no Berta mos forte iha rai ida ne’e nia forte mai husi ninia hahalok rasik ema ida ne’ebé simples ema ida ne’ebé servisu úniku lideransa iha Timor.
Naimori husu Timor-oan tomak di’ak liu vota ba kandidatura Prezidente Repúblika, Armanda Berta dos Santos ba periodo 2022-2027 hodi hadia liberdade ba povu no hodi hadia nasaun ida nee ho moris hakmatek.
Ha’u hateten ba Timor-oan diak liu Berta mak kandidatu nia an sei ba prezidente ema Ida ne’ebe atu bulante ha’u rasik sei bulante hodi hadia liberdade ba povu no ba povu Nia moris hodi hadia nasaun ida ne’e no moris hakmatek,”afirma Nia
Nia dehan, Armanda Berta dos Santos úniku feto ida ne’ebé halibur Timor-oan hotu husi tasi-feto too taso-mane, rai ulun ho rai-ikun hamutuk sai ema ida de’it hodi kuda metin espíritu unidade nasionál iha nasaun Timor Leste hodi alkansa objetivu no realiza mehi moris di’ak ba povu.
Jornalista :Domingas Viana
Editor : Agapito de Deus
