Lafaek News–Kandidatu Prezidente periodu 2022-2027, Tenente Jeneral Lere Anan Timur husu ba fiskais sira atu servisu ho responsabilidade tanba osan lanu ema barak.
Lia hirak ne’e hato’o husi Kandidatu prezidente Lere Anan Timur bainhira loke abertura ba formasaun fiskais iha Delta Nove Dili, tersa 01/03/2022, hodi husu fiskais sotu halo servisu ho responsabilidade másimu.
Husu ba alin sira ne’ebé iha ne’e tenke rona didi’ak tau iha imi nia lista, papel fiskaliza nia atu halo saida, núne’e imi ba servisu ho responsabilidade tanba osan lanu ema barak,” dehan Kandidatu Prezidente Republika Lere Anan Timor.
Lere afirma, mai hamutuk iha nee atu fo motivasaun ba imi núnee too eleisaun imi hala’o imi nia servisu hanesan fiskalizador hodi tau matan ba votus”alin sira bainhira imi ba servisu tenke ho responsabilidade labele hakfodak ho osan tanba osan sei hotu iha ita nia liman maibe ema defende lia loos justisa nunka hotu,” nia esplika
Lere deklara, ema hotu hatene votantes sira la’os matenek hotu tanba inan aman balu kondisaun difisiensia matan no inan-aman maluk aileba balu mos seidauk hatene lee no hakerek tanba ida nee mak ohin loro hamutuk iha nee atu imi simu instrusaun.
Imi sira ne’ebé iha ne’e hau fo kriteria tolu, primeiru konfiansa ba koordenador jerais munisipiu, segundu imi tenke brani laos atu baku malu maibe barani bainhira ema balu halo mafia ruma tenke hasee, ida nee mak dehan barani tanba ita hatudu ita servisu profesional, terseiru mak tenke matenek hanesan ema tolok ita hatan ho lian matenek nee mak ita tau ita nia aan matenek,” Nia Hakotu.
Jornalista :Orlando Magno
Editor : Agapito de Deus
