Lafaek News–Prezidente Komisaaun Nasionál Eleisaun (CNE), José Agostinho da Costa Belo Pereira informa, kona-ba kalendáriu ne’ebé kandidatu sira hatama, dadaun ne’e sei iha hela faze verifikasaun.
Horseik loron ikus kuaze maioria sira hatama hotu kedas ona, e agora ami verifika dadauk ami haree para kalendáriu sira ne’ebé iha soke malu ka data ho fatin ne’ebé hanesan ami sei haree hela e depois e ikus iha loron 26 ami sei konvida bele finaliza ida ne’e hamutuk ho reprezentante kandidatu sira” dehan Komisariu Komisaun Nasionál Eleisaun José Agostinho Belo ba jornalista sira hafoin hasoru malu ho PM iha Rezidénsia Ofisiál PM Faról, kinta (24/02/2022).
Nia informa, kandidatu hotu hotu tenke la’o tuir regras e tuir data ka fatin ne’ebé mak fixu atu kandidatu sira halo kampaña ho di’ak.
Iha Dili kandadutura sira barak mak hatama orariu iha fatin no loron ne’ebé hanesan tanba ne’e mak presiza reprezentante kandidatu sira atu bele deskute e se la iha solusaun sei halo sorteiu ba fatin no orariu atu nune’e justu liu b sira hotu-hotu,” Nia informa.
Enkuantu iha loron 25 fulan fevereiru, CNE sei bolu kandidatura ho nia reprezenta sira atu deskute kona-ba aprovasaun buletim de votus bainhira deside aprova, sei haruka kedas ba Institutu Públiku Gráfika Nasionál atu hahú imprime.
Jornalista : Juvita dos Santos
Editor : Agapito de Deus
