Lafaek News–Vendedór Ambulante ai-leba no ain-tanan ho inisiativa deklara aberta ba públiku fo apoiu máximu kandidatu Prezidente Repúblika, Tenente Jeneral reformadu, Lere Anan Timur hodi troka Lú Olo husi Xefe Estadu.
Ami apoiu kandidatu Prezidente Republika Jeneral Lere Anan Timur ba prezidente Republika periodu 2022-2027 tanba ami haree katak, Jeneral Lere Anan Timur mak bele asegura unidade nasional ba periodu krusial 2022-2027,” Portavos Vendedor Ikan Bidau, Fernando Filipe Gama liu husi konferensia imprensa ba jornalista sira iha Bidau, Domingu 20/02/2022.
https://lafaeknews.tl/lere-parabens-xanana-fo-konfiansa-horta/
Nia afirma razaun vendedor ambulante ai-leba no ain-tanan fo fiar ba Jeneral Lere Anan Timur, tanba durante ne’e asume kargu hanesan Xefe Estadu Maior Jenerál F-FDTL konsege hametin estabilidade nasionál iha situasaun impase polítika ninia-laran.
Ami fiar kualidade jeneral Lere Anan Timur mak iha potensia atu bele unifika lider nasional neebe iha deverjensia politika liu husi dialogu nasional,ami ho konsiensia fo apoiu ba jeneral Lere Anan Timur ba Prezidente Repúblika periodu 2022-2027 tanba ami sente ona impase ne’e lansa husi partidu polítiku hodi sumba orsamentu iha parlamentu nasional, nia impaktu ba negosiante kiik sira fan ikan la folin, no produtu lokal mos la folin hodi difikulta ami nia rendimentu atu sustenta familia uma laran,” nia hakotu.
Jornalista :Orlando Magno
Editor : Agapito de Deus
