Lafaek News–Iha loron Domingu (20/02/2022), udan ho intensidade forte iha kapitál Dili durante minutu 30, hahú husi 14:30 to’o 15:00, rezulta estrada diresaun Helipot Bairo-pite bee nalihun hanesan debu defikulta transporte publika atu ultra-pasa.
Udan durante minutu 30 ne’e, jornalista lafaeknews hala’o observasaun jeral iha sidade Dili hodi haree estrada protokolu diresaun Bairo-pite iha parte Rotunda Bairo-pite, hafutar ho bee sulin makaas iha ne’ebé fukun husi barrajen nia kloot laiha kapasidade atu akumula bee hirak ne’ebé suli husi kadak sira husi foho lolon nakonu iha estrada laiha dalan atu sulin an ba tasi laran.
Aliende ne’e komunidade balun ne’ebé hela besik estrada ida-idak see udan hodi dasa tutuir bee ne’ebé nalihun volume makaas husi estrada hanesan mota kiik hodi dikulta movimentasaun transporte no provoka tensaun engarrafamentu iha estrada laran.
Antes ne’e Ministériu Transporte no Komunikasaun (MTK), liuhusi Diresaun Nasional Meteorologia Geofíziku (DNMG) alerta ona ba populasaun Timor laran tomak, ba populasaun sira ne’ebé hela iha area foho husi kosta Sul no Norte Timor nian, atu matan moris neon nain, hadook-an husi fatin risku, tanba posibilidade sei mosu udan ho intensidade fraku to’o moderadu, sei hahú husi loron 19/02/2022 to’o loron 20/02/2022.
Jornalista : Juvita dos Santos
Editor : Agapito de Deus
