Lafaek news–Sekretariu jerál Partidu Fretilin, Marí Alkatiri, hateten atu hamoris sentidu nasionalista no patriotizmu lideransa nasionál antigu nain lima, Xanana, Horta, Lere Lú Olo no Taur Matan Ruak tenke tuur hamutuk ko’alia ho lian ida lori Timor ba oin.
Ami nain hira ne’e tenki tuur hamutuk, Xanana, Ramos Horta, tuir fali Taur Matan Ruak, Lere, Lú Olo tenki tuur Hamutuk ho objetivu atu hamoris fila-fali konsiénsia nasionalista ho patriotikas, nune’e hutu hateke ba oin,’’Marí Alkatiri hatoo asuntu ne’e, iha primeiru konferénsia juventude partidu Fretilin, iha CCD Sesta (18/02/22).
Sekjen partidu FRETILin fundamenta, tuir nia hanoin, tempu ona lider jerasaun 74/75 hamutuk, restaurasaun iha Maiu 2002, molok tama 20 de Maiu 2022, lider tuan sira tenke iha korajen atu kompostu hanesan Xanana Gusmão, Ramos Horta, Taur Matan Ruak, Lú Olo ho Alkatiri hamutuk hateke ba oin.
Ha’u hanoin tempu ona, ita restaurasaun indepéndensia, iha 20 maiu 2002, molok atu tama 20 Maiu 2022, ami nain hira oan ne’e, tenki iha korajen atu tuur hamutuk, Xanana,Ramos Horta, Mari Alkatiri, tuir fali mai, Taur Matan Ruak, Lere, Lu-olo, tenki tuur hamutuk, hateke ba malu matan ba malu haree, valores semak gasta osan la iha rezultadu, semak gasta osan iha rezultadu, ne’e hau nia dazafiu, laos objetivu atu omilia ema ida, objetivu atu hamoris fila fali konsiénsia nasionalista ho patriotikas atu ita hotu hamutuk hateke ba oin,” katak Marí Alkatiri.
Alkatiri dehan, tranzisaun la’os tanba idade, fundamental taranszisaun, tanba idea ne’e maka importante liu, tenke lori idea ba povu la’os lori idade ba povu ideas tuan, dezafiu boot maka idea ne’e, halo nusa, bele korre povu husi nakukun primeiru, halo nusa bele korre povu tomak mukit husi kiak.
Halo nusa ita nia rai ne’e sai matak tinan bai loron, matak nafatin, buras nafatin, atu ita nia povu toma husu bele sente vantajen ba independensia, atu ita nia jerasaun sira hotu-hotu bele senti katak ita nia inan, aman, abon sira fo an ba mate ne’e onra ida ba sira ne’e hotu, atu banati tuir katak fo an ba servisu fo an ba mate atu bele rai ida ne’e bele la’o ba oin,” dehan SEKJEN partidu FRETILIN.
Entretantu iha parte seluk, objetivu husi konferénsia juventude Fretilin ne’e atu diskute vida organizasaun nian, tanba konferénsia nasional hanesan órgaun as liu iha juventude FRETILIN atu define liñas polítika atuasaun juventude Fretilin nian ba tinan lima, no objetivu segundu, konferénsia ne’e atu eleze estrutura foun juventude Fretilin nia órgaun sentral juventude Fretelin rasik, no konferensia refere sei hala’o durante loron tolu, komesa loron 18, 19 too 20.
Jornalista MG : Azelio da Cruz
Editor : Agapito de Deus
