LAFAEK NEWS–Koordenadór Asosiasaun Vítima Konflitu Polítika 1975-1999, Domingos Pinto de Araujo Moniz informa, Centru Nasionál Chega (CNC), apoiu grupu sobreviventes husi munisípiu 4 no vítima sira seluk atu uza buka moris no hadia moris.
Apoiu nee iha meius oi-oin balu ita apoiu hanaran pagamentu pontual nee ba ema ida $.500 maibé apoiu nee liu husi MSSI tinan ida ba ema 160.iha mos apoiu balu ba munisipiu haat Aileu, Likisa, Ermera no Manatutu ema nain lima grupu ida sira hetan osan 5000 Dolar,” dehan Domingos ba jornalista iha CNC Balide Dili, Kinta 17/02/2022.
Domingos esplika, sobrevivente ne’ebé mate, agora prosesu hela seidauk bele simu osan, no sira ne’ebé naran la pasa mos labele simu osan, tanba ne’e fo todan ba estadu.
Iha Likisa hetan tiha apoiu sira sosa karau ba faan iha Ermera hakiak Ikan Aileu Kuda no faan modo Iha Manatutu mak loke restaurante, konaba munisipiu sira selu ami planu ona tanba primeiru ami halo sira husi munisipiu mai tuir formasaun iha Dili,”nia deklara.
Katak nia, Iha territóriu Timor kuaze ema hotu vítima, maibé iha kategoria rua ida direita no ida indireita tanba koñese malu.
Ita halo identifikasaun ba sobreviventes ne’e, xefe suku, Xefe aldeia no komunidade sira mos hatene tanba ne’e ami laiha problema ida, maibé vítima balu mate ami nafatin tau konsiderasaun ba sira nia oan nain ida ka rua tenke tau atensaun atu suportu ba eskola no ajuda iha parte seluk.
Entretantu total Sobrevivente ne’ebé CNC rejistu hamutuk 1200, ne’ebé iha ona CNC nia baze de dadus, iha tinan kotuk CNC rejistu tan, junta vítima hamutuk kuaze besik ona 2000,
Jornalista :Orlando Magno
Editor : Agapito de Deus
