Lafaek News–Juventude husi postu administrativu Laklo munisípiu Manatutu, husu governu hadia irrigasaun atu fornese bee ba natar besik ektares 500 iha Laklo.
Asuntu ne’e hatoo husi reprezentante juventude postu administrativu Laklo, Vitorino Maria de Jesus da Costa Oliveira hatoo iha sesta (18/02/22),hafoin hasoru malu ho Prezidente Repúblika Francisco Guterres Lú Olo iha Palásiu Prezidensiál bairo-pite, hodi dehan, Timor Leste iha aihan lokal potensial tebes, maibé governu la tau prioridade dezenvolve aihan nasional hodi limita hahan la’o rai (importasaun) husi rai liur,
Da-daun ne’e postu administrativu Laklo hasoru liliu ba kalamidade ne’ebé akontese iha loron 4 fulan Abril, povu husi Laklo halerik hela ba preokupasaun sira ne’e kuaze maioria natar, toos no uma fatin agora da-daun ne’e sira labele utiliza tanba hetan estragus total,’’ dehan Vitorino Maria de Jesus da Costa Oliveira ba jornalista sira iha Palásiu Prezidensiál.
Tuir juventude ne’e dehan, Laklo da-daun ne’e seida’uk iha mudansa total, no apoiu ruma husi parte governu, razaun ne’e juventude hirak hola inisiativa hasoru direta Xefe Estadu Francisco Guterres Lú Olo, tanba parte governu nia seidauk fo apoiu, maibé iha loron 15 liu ba hafoin akontese kalamidade ne’e ekipa husi Ministériu Solidariedade Sosial.
Juventude barak mak dadaun ne’e labele halo natar ho toos, depende de’it hahan ba folin supermerkadu nian,’’ katak nia.
Natar ho toos sira ne’ebé mak hetan estragus husi kalamidade iha fulan Abril liu ba hahú kedas husi area baliza ho Aileu, natar ne’e hetan estragus hotu ho Ektares ne’e kuaze Ektarus atus lima (500) ba irigasaun ne’ebe mak durante ne’e komunidade sira uza dadaun ne’e labele uza tanba hetan estragus total.
Liu-liu ba komunidade sira husi aldeia Laibubu xefi familia hamutuk 140 aldeia Failakor 180 ne’ebé mak sira nia hela fatin hetan estragus labele utiliza tan”, deklara juventude Vitorino.
Vitorino dehan, resposta Xefe Estadu ba problema no preokupasaun ne’ebe populasaun postu Laklo hatoo ba Xefe estadu Francisco Guterres Lú Olo parte sei bolu fali Ministru relevante sira atu hatoo preokupasaun no problema hirak ne’e.
Jornalista : Rita Moniz
Editor : Agapito de Deus
