Lafaek News–Assosiasaun Combatentes Brigada Negra (ACBN), Circulo Revolusionariu Nasionalista-1, Movimentu Akadémiku Pro-Konstituisaun (MAPK) no Movimentu Nasionál Juventude Progresista (MNJP) diskorda ho deklarasaun SEKJEN partidu FRETILIN Mari Alkatiri tempu ona jerasaun 74/75 diálogu.
Sancho Goncalves nu’uadr portavoz husi movimentu hat nee’, lee sai komunikadu imprensa iha tersa (08/02/2022), iha sede PST Balide Dili katak, interesante iha semana liu ba bainhira Mari Alkatiri fila husi Portugal soe hanoin kona-ba iha urjensia diálogu entre jerasaun 74/75.
Interesante tanba ema ida ké nunka hakarak diálogu kuandu nia manan eleisaun, teki-teki soe sai ba públiku katak tempu too ona atu jerasaun 74/75 hala’o diálogu hakarak saida los ho hanoin ida ne’e?,’’ dehan Sancho Goncalves.
Bainhira Marí Alkatiri temi de’it diálogu entre jerasaun 74/75, hodi haluha tiha katak liberta rai ida ne’e la’os de’it ba jerasaun 74/75, maibé jerasaun hotu-hotu nia obra, nia kontribuisaun Marí Alkatiri haluha tiha saida mak diálogu no sa kondisaun mak sai nudar baze ba diálogu.
Diálogu jeralmente bainhira to ona impase ruma ka iha ona situasaun ruma nem ida manan ka lakon, maka parte rua ka barak buka halo diskusaun ka negosiasaun atu bele hetan akordu ida, se nune sa akordu maka Mari Alkatiri Hakarak?
Iha situasaun atual ne’ebé mai husi metodu de viabilizasaun ba governu minoritáriu hafoin koa dalan hodi impede prezidente repúblika implementa rekomendasaun sira husi meza redonda 10 de Fevreiro, tama ona iha faze ba eleisaun presidensial.
Sanches dehan, Nusa Mari Alkatiri la prepara an ba eleisaun mai soe fali hanoin diálogu entre jerasaun 74/75 ?, bazeia ba realidade ne’e movimentu hat deklara I. husu ba maun boot Kay Rala Xanana Gusmão ho José Ramos Horta, kandidatu presidensial ho apoiu maun boot partidu CNRT, partidu PST no movimentu sívikus hotu atu labele aseita tentasaun ne’e.
II.Laiha dalan ba diálogu antes de eleisaun presidénsial nia rezultadu, III. lalika habeik tan povu ho diálogu bainhira adopta demokrasia no pluralizmu polítiku, husik povu ba vota ho nia konsiénsia entre jerasaun 74/75, lider ida ne’ebé povu hadomi no sei fiar, tanba la kontribui ba hamosu impase polítiku no halo povu terus.
V. Eleisaun hotu presidente foun mak iha kapasidade atu promove dialogu tamba povu fo fiar ba nia dialogu nebe presidente eleitu sei foti maka sei presizamente lori partes hotu ba aseita ka hetan akordu ba disolusaun parlamentu nasional konvoka eleisoens antisipada nudar dalan ba repojisaun ordem demokratiku konstitusional ka aseita konfigurasaun meja parlamentu liu husi hamosu maioria parlamentar foun. Nee mak sei sai objetivu ba dialogu.
IV. Diálogu nebe sei halo sei orientadu mos ba atu hamosu konsensu kona ba modelu dezenvolvimentu ekonomiku no sosial hare leis nebe la adekuadu reve tiha baihira partidu CNRT no maun boot Kay Rala Xanana Gusmão asumi hikas poder nebe ema seluk foti sem tuir regra demokratiku.
VI. Husu ba Marí Alkatiri atu lalika kria tan konfuzaun iha vida demokrasia estadu nian.
Nudar movimentu de konsiensia nasional, ami apela ba povu tomak atu vota ba kandidatu nebe defende repojisaun ordem demokratika konstitusional no iha kapasidade atu rezolve estadu tomak nia problema. Ba ida nee vota ba Ramos Horta nebe hetan apoiu husi maun boot no partidu CNRT ho nia aliadu sira, Ramos maka sei iha kapasidade atu promove diálogu ne’ebé Marí Alkatiri hakarak, maibé diálogu ho objetivu atu implementa rezolusaun partidu CNRT kona-ba dizolusaun parlamentu nasional no eleisoens antisipadas,’’ Sancho hakotu.
Jornalista : Anselmo Monteiro
Editor : Agapito de Deus
