Lafaek News–Objetivu fundamental husi orientasaun kada eksola atu hasa’e mentalidade no konesimentu estudantes sira iha ambiente foun atu sai estudante duru, disiplina no konese klean ambiente eskola nian.
Prezidente Komisaun Organizador ba Orientasaun 2022, Tome de Deus informa, halo orientasaun durante loron tolu ho objetivu atu lori estudante foun sira ba koñese ambiente eskola Cristal no mós professores ne’ebe hanorin iha Cristal.
Objetivu husi orientasaun mak, primeiru haruka estudante sira atu koñese ambiente Cristal, segundu atu koñese professor/a sira terseiru sira ho sira presiza koñese malu ikus liu mak sira hakarak hili Siensias naturais ka Siensia Sosiais nee depende ba sira,” dehan Tome ba Lafaek News iha Salaun Cristal Balide Dili, (05/02/2022).
Tome sublina, prosesu orientasaun ba estudante foun tinan letivu 2022, durante loron tolu, hahú iha loron 03 too 05/02/2022 no mós estudante sira lori fasilidade prioridade liu ba ekipamentus limpeza hanesan, ai-sar no kain Pell ida, ne’e prioridade ba estudante sira atu uza iha prosesu orientasaun.
Liu husi orientasaun ne’e estudante foun sira mos bele koñese malu, ezemplu estudantes mai husi munisipiu 12 inklui RAEOA, tanba sira tenke koñese uluk ambiente eskola antes prosesu aprendizajen hahú.
Etapa primeiru ohin finaliza ona maibé sei iha tan etapa segundu tanba estudante balu la tuir orientasaun ida ne’e no balu foin mai rezistu tanba nee ami sei iha orientasaun etapa II, maibé parte segundu ne’e diferente tanba sira halo orientasaun iha aula laran,” Tome afirma.
Iha fatin hanesan, estudante foun, Leandra Belo Freitas sente apresia no kontente, tanba durante loron tolu tuir orientasaun konsellu estudantil (OSSIS) sira sempre motiva sira oinsá atu koñese di’ak liu kona-ba ambiente iha eskola Cristal no-mos professores balun inklui ninia maluk estudante foun sira.
Total estudante foun ne’ebé tuir orientasaun iha etapa I, total estudante hamutuk nain 196, no mós Total komisaun neebe tama iha ekipa komisaun organizador hamutuk ema nain 42 kompostu husi konsellu estudantil nain 39 no professor nain tolu.
Jornalista :Orlando Magno
Editor : Agapito de Deus
