Lafaek News–Konselleru Movimentu Asaun Xavi ba Amor (AXA),Alexandrino Xavier Araújo, mobiliza movimentu hamutuk 6, hodi esforsu apoiu José Ramos Horta ba Prezidente Repúblika Períodu 2022-2027.
Alexandrino Xavier hateten husi konferensia ne’e, movimentu Asaun mak Xavi ba Amor (AXA) hamutuk ho movimentu 6 kompostu husi Movimentu Esperansa ba Xanana (MEXAN), Movimentu Apoiu Pessoal Eminente (MAPE), Movimentu Juventude Apoiu Xanana (MOJAX), Movimentu Aileba-oan Apoiu Xanana Gusmão (ALOAP-XG), Movimentu Apoiu Lider Karizmátiku ba Dezenvolvimentu Timor Leste (MALK, DEZENTIL), no Movimentu Rekonstrusaun Paz (MORPAX), movimentu hirak ne’e antes kedas kuandu kandidatu sira kandidatu nia aan movimentu ne’e hamrik ona.
Konferensia ne’e ho objetivu ida de’it atu apoiu maun bo’ot Kay Rala Xanana Gusmão, no mos partidu CNRT, iha 2022 ba kandidatu ne’ebé maka Maun boot ho partidu CNRT tula liman ami prontu apoiu,” dehan Alexandrino iha ámbitu konferénsia imprensa apoiu José Ramos Horta, iha Balide Kuarta (26/01/2022).
Alexandrino dehan, foin lalais iha loron 23 liu ba CNRT iha konferénsia nasional liu husi maun boot Kay Rala Xanana Gusmão, tula liman ona iha kandidatu José Ramos Horta, tan ne’e konferensia ohin ne’e atu konsilida forsa atu hatoo ba militantes hotu-hotu iha movimentu sira hamutuk apoiu partidu CNRT, hodi lori kandidatu José Ramos Horta, susesu iha eleisaun prezidensia 2022.
Esforsu makas maka ami sei halo konsolida baze hodi aumenta tan militante eleitoral husi baze atu bele apoiu tan ba Partidu CNRT, atu bele lori kandidatu ne’e ba prezidente, movimentu ida ne’e garantia katak maun Bo’ot Ramos Horta sei fila fali ba ukun liu husi partidu CNRT ho maun Kay Rala Xanana Gusmão,’; Alexandrino hakotu.
Iha Fatin hanesan koordenador, Movimentu Esperansa ba Xanana (MEXAN), Lor’Riss Romit Reis’Law, reforsa, movimentu ne’e hanesan movimentu operasional, síviku polítika ida sei hala’o servisu iha eleitoral,nia papél servisu maka buka eleitores sira, ba joven sira ne’ebé iha komitmentu atu transforma.
Ami sei hamutuk ho partidu CNRT estrutura tura tomak husi nasional to baze, hodi halao servisu aldeia ba Aldeia atu nune’e ita fo siensibilija politika ba ita nia eleitores sira ne’ebe foin partisipa’
Jornalista MG : Azelio da Cruz
Editor : Agapito de Deus
