Lafaek News–Koordenador Advokasia, Ivo Colimau Lay Costa hateten kazu omesidu ne’ebé akontese iha loron 22 fulan Janeiru iha suku Loro Suai, hodi hamate sidadaun Timor-oan ida no ema ida kanek tanba envolve membru PNTL no UPM ne’ebé destakadu iha munisípiu Kovalima.
Kazu omesidu ne’ebé akontese iha loron 22 Janeiru iha suku Suai Loro hamate sidadaun Timor-oan Marcos Amaral no hakanek Julio Amaral envolve PNTL no UPM ne’ebé destaka iha munispiu Kovalima autores ne’ebé partisipa iha kazu omesidu refere hodi enkaixa ba prizaun”, deklara, Koordenador Advokasia Ivo Colimau Lay Costa iha FONGTIL Kaikoli, segunda (22/01/22).
Tuir Ivo informasaun ne’ebé FONGTIL hetan dokumentasaun video rekaman husi vítima, Julio katak atu ba festa iha dalan sira xoke malu no depois autor ne’e hateten nia membru polísia ida, vítima nain-2 dúvida husu ba malu membru PNTL duni ka la’e? Suspeitu hamriik halo agresaun kedas hodi Julio lakon Vida no Marcos hetan kanek oknum refere la utiliza farda iha momentu ne’eba.
Vítima nia mate isin da-daun ne’e iha hela ospitál Nasionál Guido valadares ( HNGV) hodi hala’o hela autopsia ami iha dokumetu bainhira halo prosesu iha Tribunal”, Ivo deklara.
Jornalista : Rita Moniz
Editor : Agapito de Deus
