Lafaek News- Prezidente Repúblika Francisco Guterres “Lú Olo” liuhosi dekretu númeru 2/2022, ne’ebé publika ohin iha Jornal Repúblika, marka ona data eleisaun prezidensiál nian hodi hili Prezidente Repúblika ba períodu 2022-2027, iha loron 19 fulan-marsu 2022.
Xefe Estadu Francisco Guterres “LúOlo” hato’o asuntu ne’e iha loron 15/01/2022 liu husi komunikandu imprensa media Prezidente Repúblika.
“Prezidente Repúblika Francisco Guterres “Lú OLo”, liuhosi Dekretu númeru 2/2022, ne’ebé publika ohin iha Jornal Repúblika, marka ona data eleisaun prezidensiál nian hodi hili Prezidente Repúblika ba períodu 2022-2027, iha loron 19 fulan-marsu 2022,” deklara Prezidente Repúblika Francisco Guterres “Lu_Olo” liuhosi komunikandu imprensa media PR, sabádu (15/01/2022).
Tuir Lú-Olo, Karik rezultadu eleisaun ne’e hatudu katak la iha kandidatu ida mak konsege hetan 50%+1 (metade ho votu ida tan) hosi númeru total votus válidus, iha eleisaun ne’e, sei tuir fali eleisaun da-ruak.
“Tuir artigu 12, númeru 2, hosi lei eleitorál ba PR , eleisaun daruak sei halo iha loron tolu-nulu, sura hosi loron eleisaun dahuluk,ba eleisaun daruak ne’e, sei la presiza ona iha tan dekretu prezidensiál ba markasaun data eleisaun daruak nian,” informa Lú-olo.
PR afirma tan, eleisaun ida ne’e, PR rona ona governu, partidu polítiku hotu-hotu ho asentu iha Parlamentu Nasionál, Komisaun Nasionál Eleisaun(sigla iha lian-portugés CNE) no Sekretariadu Tékniku Administrasaun Eleitorál (STAE).
Jornalista : Rita Moniz
Editor : Floriano Soares
