Lafaek News–Governu liuhusi Konsellu Ministru hato’o votu kondolénsia ba falesimentu distintu deputadu Silvino Adolfo Morais ne’ebé hakotu iis ho idade 66 iha Óspital Nasionál Guidu Valadares (HNGV), iha loron 3 fulan janeiru tinan 2022.
Ministru Prezidénsia no Konsellu Ministru (MPKM), Fidelis Manuel Leite Magalhães hato’o ninia Biodata katak, Deputadu Silvino Adolfo Morais, moris iha lo9 fulan jullu tinan 1956 iha Atsabe Munisipiu Bobonaro.
Iha Tinan 1974 nia tama iha Uniaun nasionál dos estudantes Timorenses ho koñesidu UNETIM, no partisipa direitamente iha luta kolonializmu ho invazaun Indonezia nian ne’ebé mak tuir mai iha 75, nia mós desloka sae ba foho nu’udar milisi ida FALENTIL nian depois destakadu iha rejiaun hirak norte sul no sai hanesan responsavél ba transporte no kondisoens nian
Iha 1977 nia asume kargu hanesan Komandante sekasaun no kompaña de intervensaun númeru 4 iha Kailaku Bobonaro no tinan rua depois nia hetan kapturasaun husi militares Indonezia sira
Antre tinan dahuluk dékada 80 nian to’o 1999, matebian nu’udar funsionáriu públiku iha servisu eletrisidade iha Bobonaro.
Depois de referendu iha 30 de agusto 99, deputadu Morais asume kargu oi-oin ho natureza politika iha Partidu Fretilin nia laran, nomeadamente nia kaer kargu hanesan segundu vise Koordenadór ba komisaun politika distritál Fretilin nian iha Bobonaro ne’ebé hahú iha tinan 2000 to’o 2016 no kargu hanesan Koordenadór interinu iha munisipiu entre tinan 2005 to’o 2010.
Nomós kargu hanesan kargu hanesan Koordenadór distrital ba Fretilin Bobonaro entre 2010 to’o 2016. Hafoin ida ne’e nia mós relate fila fali hanesan Koordenadór munisipiu Fretilin nian entre tinan 2016 to’o 2021.
Ho eleitu deputadu Parlamentu Nasionál iha eleisaun 2017, releitu fila fali iha 2018 no a data nia sai membru da komisaun C iha parlamentu Nasionál.
Ho ida ne’e lori governu tomak nia naran husi sua eselensia Primeiru Ministru no Konsellu Ministru tomak nia naran hakarak hato’o ami nia profunda tristeza no laran todan ida ne’e ba familia enlutada, kaben ho oan sira ne’ebé mak distintus Morais husik hela, nomós atu hato’o ami nia Solidariedade ka lakon boot ne’ebé mak monu iha Partidu Fretilin nia kabaas, nomós ba parlamentu Nasionál ne’ebé lakon deputadu ida ne’ebé ezerse hela funsaun to’o momentu ke nia iis kotu,” Hakotu MPKM Fidelis.
Jornalista : Juvita dos Santos
Editor : Agapito de Deus
