Lafaek News- Prezidente Repúblika (PR) Francisco Guterres Lú Olo promulga ona dekretu-lei ne’ebé kria subsídiu ba profisionais ba sira-nia atividade jornalístika husi governu ba fornesimentu notísias kona-ba virus SAR-Cov2 durante estadu emerjénsia.
PR promulga ona dekretu-Lei ne’ebé kria subsídiu ba profisionais ba sira-nia atividade jornalístika husu husi governu ba fornesimentu notísias kona-ba virus SAR-Cov2 durante estadu emerjénsia, Profisionais komunikasaun sosiál iha papél importante tebes tanba liuhusi sira-nia atividade jornalistika durante estadu emerjénsia”,dehan Presidente Repúblika Fransisco Guterres lu_olo ba jornalista sira liu husi komunikandu imprensa media PR kinta 30/12/2021.
Tuir Xefe estadu ne’e katak, jornalista kontribui ativamente ba divulgasaun informasaun kredivel no nesesáriu ba prevensaun no kombate pandemia iha territóriu nasionál, Liuhusi atividade jornalístika profisionais komunikasaun sosial fó informasaun ne’ebé loloos hodi nune’e hatun ansiedade no prevene pániku iha populasaun nia leet no ikus mai kontribui hodi halo tuir regras estadu emerjénsia ninian.
Desinformasaun ne’ebé mosu iha redes sosiais atu halo ema la fiar autoridade relasiona vasinasaun no kombate ba moras ne’e, papél jornalista importante tebes halo populasaun informadu no fiar ba medidas implementasaun estadu emerjénsia nian”,katak Lu-olo.
Xefi estadu ne’e afirma tan, jornalista nian ne’ebé identifikadu no husu espesifikamente husi governu tanba ne’e bele hetan rekompensa, subsídiu ne’e fó ba jornalista sira haree ba rekoñesimentu risku ne’ebé profisionais orgaun komunikasaun sosial hasoru durante hala’o atividade jornalístika iha pandemia Covid-19 nia laran.
Subsídiu ne’e sei fó ba jornalista sira ne’ebé dezenvolve atividade jornalístika ho Sala de Situasaun Sentru Integradu Jestaun Krize ou sira ne’ebé Governu husu ba produsaun notísia durante períodu entre 1 abril-31 dezembru 2021 subsídiu sei sura loron traballu efetivu durante data ne’ebé temi iha leten, Jornalista sira ne’e sei simu osan ho valór $5 ba kada loron efetivu traballu nian”, hatete PR.
Jornalista : Rita Moniz
Editor : Agapito de Deus
