Lafaek News– Magnifiku Reitor Universidade da Paz (UNPAZ), Adolmando Amaral, husu graduadus sira bainhira iha futuru hetan pozisaun tenke responsabilidade labele uza pozisaun hanesan opportunidade.
“Hanesan reitor Universidade da Paz (UNPAZ), hanesan mos sira nia maun tenke motiva nafatin sira no enkoraja sira katak bainhira hetan pozisaun iha futuru la bele konsidera hanesan opportunidade maibe tenke konsidera hanesan responsabilidade,” dehan Reitor UNPAZ Adolmando ba Lafaek News Iha UNPAZ Manleuana Dili, Kuarta 29/12/2021.
Reitor ne’e hateten tur iha pozisaun atu serbi nia emar sira, la’os ba ukun nia emar sira, se hakarak uza pozisaun hodi ukun nia ema, entaun ukun nain haluha ona ninia povu no dezenvolvimentu iha rai laran.
“Ukun nee halo ita hanoin kareta diak, uma diak, ita la hanoin povu nia terus ho susar ne’e la’os ema ukun nain, maibé ita hetan pozisaun ho reponsabilidade entaun ita hanoin povu nia terus no hanoin mos dezemvolvimentu atu lao ba oin tanba nee hetan pozisaun tenke ho responsabilidade la bele uza pozisaun hanesan oportunidade,” nia sublina.
Graduasaun ba tinan ida ne’e iha graduadus UNPAZ na’in 1092 kompostu husi fakuldade 6, fahe ba rua, faze primeiru gradua ona iha loron 27, graduadus hamutuk nain 6 no parte ida ohin loron, fakuldade tolu (3), Ekonimia, Enjenaria no mos fakuldade teknolojia ho agrikola estudantes hamutuk 48, estudantes ativu hamutuk nain 9.676, inklui funsionariu ho dosente hamutuk 411.
Jornalista : Orlando Magno
Editor : Agapito de Deus
