Lafaek News–Agapito José nu’udar aman sente kontente no agradese bainhira nia kaben partu Oan (kosok-oan), isin lolon ida ho ulun rua, maske maromak dada hikas bebe nia iis moris fila ba maromak Nia kadunan santu, inan-aman prontu simu realidade.
Bebe nia aman, Agapito Jose esplika, horisehik tuku 12 meiu dia, doutor sira halo operasaun ba ninia kaben Agusta do Nascimento hetan bebe nia isin lolon ida ho ulun rua.
Hafoin halo operasaun ba bebe nia inan, bebe nia kondisaun diak hela entaun ha’u prontu simu realidade no agradese maske bebe iha ulun rua isin lolon ida de’it, maibe ohin dader tuku 04 madrugada maromak bolu hikas bebe nain rua fila ba nia kadunan santu,” dehan bebe nia aman, Agapito ba jornalista iha Sala mortuariu HNGV Bidau Dili, Sesta (17/12/2021).
Aman ba bebe ulun rua ne’e, haktuir antes atu hetan bebe ne’e nia ho ninia kaben halo tratamentu iha Sentru Saúde Remexiu iha loron segunda parte saúde transporta kedas mai iha HNGV hodi kontinua tratamentu.
Antes ami mai iha ne’e iha Ospital Reméxiu halo check up konsege hetan ka haree bebe nia ulun rua entaun doutor sira deskonfia labarik kaduak tanba ne’e sira lori ami mai iha ne’e atu halo operasaun ba ha’u nia ferik oan,” Agapito Konta.
Nia relata, dadaun nee Kondisaun bebe nia ama diak uituan no bebe nia mama foin partus ba dala rua maibé, primeiru ne’e partu normal foin mak halo operasaun no kondisaun agora diak uituan.
Agapito Jose ho nia kaben Agusta husi munisípiu Aileu postu administrativu Reméxiu suku Fada-bloku aldeia Likisá, da-daun ne’e bebe nia mate isin lori ona ba nia rezidénsia Aileu hodi prosesu ba funeráriu.
Kazu bebe kaduak ne’ebe isin hamutuk hanaran konvenkuence , tanba iha mundu bele akontese too 150.000 husi labarik ne’ebé moris, tuir dadus lafaek news asesu, Iha Hospital Nasionál Guido Valadares kazu hanesan ne’e akontese ona ba daruak, ida akontese iha tinan kotuk la konsege salva, ohin akontese tan.
Jornalista :Orlando Magno
Editor : Agapito de Deus
