Lafaek News–Prezidente Autoridade Munisipiu (PAM) Dili, Guilhermina Filomena Saldanha Ribeiro husu Gurpu Arte Marsiais (GAM) ho Arte Rituais tenke kaer metin amizade hodi partisipa iha prosesu dezenvolvilmentu.
Husu ba alin sira hotu neebe envolve aan iha grupu arte marsiais no arte rituais atu husik buat neebe akontese liu ona iha tempu pasadu no mos husi agora ba oin ita tenke kaer metin amizade harii paz no unidade hodi hetan prosperidade ida hanesan familia,” dehan PAM Dili Guilhermina Ribeiro liu husi diskursu durante halo dialogu dame malu entre arte marsiais ho arte rituais iha Metinaru Dili, loron Sexta 10/12/2021.
Gulhermina dehan, nu’udar inan ida laran susar, bainhira rona ema nia lian dehan joven ida mate ka joven ida kanek, tanba ida ne’e la’os inan nia hakarak, maibé inan sira hakarak mak atu oan sira nakonu ho domin lori dezenvolvimentu ne’e ba oin.
Ita boot sira tau aan hanesan joven mak futuru ba nasaun, ita boot sira ne’e responsabilidade ba buat barak, maibé responsabilidade esensiál liu mak ita boot sira tenke kaer metin paz, tanba ami inan sira sente kontente no hakmatek bainhira hau nia oan sai ho di’ak fila mos ho diak,” nia esplika.
Iha fatin hanesan Jerente Influence Plan International Timor Leste, Laura Lopes haktuir, maluk Arte Marsial ho ritual iha misaun ne’ebé tebes, sai hanesan parseiru ba plan internasional atu harii paz no promove igualidade jeneru ba labarik sira.
Hau nia organizasaun prontu apoiu ba governu no sosiedade sivil sira iha futuru ita bele servisu hamutuk mos ho grupu Arte Marsiais atu bele promove paz no estabilidade iha nivel Suku no aldeia,” Laura realsa.
Laura hatoo agradesismentu boot, tanba ba partisipante sira nia partisipasaun máximu iha ne’e no mos agradese ba governu nia inisiativa ne’ebé furak kria paz hahu ita aan rasik ba komunidade sira.
Nune’e mos Diretór Jerál Protesaun Sivil, Ismael Babo hatete, joven sira balun sai difisiénsia bainhira envolve aan iha arte marsiais, tanba la kaer metin paz no unidade, maibé uza deit asaun brutalizmu no premanizmu hasoru nia maluk entaun balun fali dadaun ne’e iha hela Prizaun.
Metinaru sai dalan importante husi parte leste ba sentral, entqun metinaru oan sira iha nee la fuik la leet mesak timor oan deit ho ida nee saida mak akontese tiha ona sai hanesan reflasaun ba ita hotu hamutuk kontribui paz husi agora ba futuru,” Ismael Haktuir.
Jornalista : Orlando Magno
Editor : Agapito de Deus
