Lafaek News--Governu Timor Leste rekoñese Jornalista senior Max Stahl ne’ebé hasai filmajen iha akontesimentu santa Kruz publika ba mundu hodi atrai komunidade internasional apoiu povu Timor Leste hakarak ukun rasik.
Prezidente komite 12 de Novembru, Grigorio Saldanha hateten, Max Stahl nu’udar eroi ba akontesimentu masakre Santa Kruz, tanba publika filmajen ba mundo internasional hodi hatene povu Timor nia luta.
Ita haree governu harii ona monumentu masakre Santa Kruz no sei tau saudozu jornalista Max Stahl nia fotografia, tanba nia maka sai sasin ba masacre santa cruz,” informa Grigorio Saldanha ba jornalista lafaek news, iha ámbitu komemorasaun aniverasriu hafoin remata komemorasaun Masakre Santa Kruz 12 de Novembru, sesta (12/11/2021).
Saudozu Max Stahl sai ona sobrevivente no autor ida ba masakre Santa Kruz, tanba ne’e familia Max Stahl iha Austrália sei lori memoria saudozu Max Stahl mai Timor-Leste, ohin loron sunu nia (Max Stahl) isin mate iha Austrália no planu ne’e iha loron 15 fulan Novembru ne’e lori mai Timor Leste, ho nia ferik oan husi Austrália mai Timor Leste.
Nia reforsa, dadus verifikasaun ba sobreviventes masakre Santa Kruz iha tinan 2019, ba oras ne’e da-daun sei la’o hela tuir prosesu ho total dadus 2600, sei verifika hela no iha 500 maka hetan ona kondekorasaun no pensaun ba sira nia direitu.
Governu nafatin tau matan ba sobreviventes sira, maibé sala nafatin ita hadia no loos duni katak sobrevivente barak maka seidauk hetan atensaun husi governo, maibé iha balun hetan ona kondekorasaun husi governu no pensaun, maibé ita nafatin ko’alia hodi nune’e bele atinje nia prosesu ne’e remata,” nia hakotu.
Jornalista :Manuel Andrade
Editór : Agapito de Deus
