Lafaek News–Durante oras lima ninia-laran laiha ema lideransa nasionál ho governante sira marka prezensa iha mate isin Bispo Dioseze Baukau Dom Basilio do Nascimento iha mortuáriu Hospital Nasionál Guido Valadares Bidau.
Amu bispu moras husi Suai mai too Dili no Dotor sira la konsege salva amu bispu nia moris, maibé liliu ba iha nai ulun sira no governante sira kuaze oras lima nia laran laiha ema ida mak mai aprezenta An iha HNGV ne’e hanesan laran moras ida ba Timor, Ho Igreja nia partisipasaun mak ohin loron Timor hetan ukun an ba rai ne’e,” reprezentante Sarani Katolika, Antonio Lucia Perreira ba jornalista Iha HNGV, sábado (30/10/2021).
Antonio dehan, hanesan ema katólika iha rai Timor ne’e, lamenta tebes ho Governante sira ne’ebé la marka prezensa iha Amu Bispu nia mate isin, ne’ebé da-daun ne’e tau hela iha Hospital Nasioanl Guidu valadares Dili.
Nia hatutan, Governanct sira tur iha kadeira ida ne’e, tanba mos Igreja nia luta mos, no fo kontribuisaun ba rai ida ne’e, tanba ne’e husu ba governante sira labele kahur ba buat seluk no ida-idak ninia interese
Hanesan sarani sente larantristetebestanba sarani Khatolika Timor Leste lakon niniaAmuBispudiakida, tanbasaida mak itaninianai ulun sira la markaprezensaihaamubispu nia mate isin,ema hotu-hotumaihamarikiha mortuariu, maibe Governante ida la mai sira so ko’alia de’it maibe relaidade laiha
Entretantu, Amu Bispu Dom Basilio Do Nacimento nia mate isin seidauk iha desizaun atu halot iha simiteriu ne’ebe, tanba sei hein hela Bispu Dioseze Maliana hamutuk ho Dioseze Dili hafoin deside hamutuk.
Amu nia mate isin mai katedral mak hanesan ami konsege ho sarani katolika tomak iha katedral no ema hotu mai husi, Balide, Dare, komoro, Motael, Aimutin prepara oinsá mak Ita nia akompaniamentu amu nia isin iha katedral ho orasaun to aban, atu sai husi ne’e seidauk fiksu, maibé Ita sei missa, missa hotu kontinua orasaun too aban, aban missa hotu sei lori ba baukau,” informa Vise Konsellu pastoral parkquia, Imaculada Conceincao Katedral Dili, Manuel Verdial ba lafaek news iha igreja Katedral Dili.
Tuir Vise konsellu pastoral ne’e katak, Nia parte simu informasaun husi Amu Leandro katak sei hala’o prosesaun amu nia isin mai iha katedral husi Hospital Nasional Guidu Valadares (HNG) mai iha Katedral, mas seidauk hatene oras sei hein Bispu Maliana, presidente konferensia episkopal Timorense (CET) sei mai no deside mai katedral.
”Amu nia mate isin seidauk hetan orientasaun neebe klaru maibe paroquia katedral Dili prepara meja ne’ebé iha Igreja nia oin atu tau mate isin,” katak Manuel Verdial.
Nia haktuir tan, kona-ba prepasaun simu mate isin seidauk simu orientasaun ne’ebé klaruT tanba nee sarani hot-hotu voluntariu rona maske udan, maibe sira haksolok katak matan Ben sira nian ho kompleta maromak nian udan Ben ne’ebé naksulin husi lalehan mai.
Observasaun lafaek news iha mortuariu Hospital Nasionál Guido Valadares, durante oras lima nia laran laiha ema lider Nasionál ruma partisipa inklui ho governante sira, maske Sarani barak tebes mak hobur hodi espresa sentimentu tristeza ba mate isin Bispu Dioseze Baukau, Dom Basilio do Nascimento.
Jornalista : Sabina Klau/Cresencia Ferreia
Editór : Agapito de Deus
