Lafaek News–Centru Nasionál Chega (CNC), kinta (28/10/2021), ofisialmente atribui prémiu ho kategoria Jornalizmu ba Paz Maria Gorreti Joaquim, ba media online lafaek news, nu’udar premiu ba tinan daruak iha serimonia relatóriu Chega ba tinan 16.
Diretor ezekutivu Centru Nasional Chega,Hugo Fernandes, afirma ho prémiu hirak ne’e atu motiva liutan katak rekomendasaun CHEGA ne’e ema hotu-hotu nia responsabilidade.
La’os CNC nia responsabilidade de’it, ami hein katak ba atribuisaun prémiu ida ne’e, rekomendasaun katak CHEGA ne’e ita hotu-hotu nian,’’ Hugo Fernandes hatoo asuntu iha ámbitu komemorasaun tinan daruak ba premiu jornalizmu ba Paz iha CNC Balide, kinta ne’e.
Centro Nasionál Chega.lP (Centro Chega) nu udar institutu públiku estabelese liu husi dekretu lei 48/2016, 14 de Dezembru hodi promove rekomendasaun Chegal no PMAS, institusionaliza memoria no promove direitus umanus, ho mos edukasaun no formasaun, solidariedade ba sobrevivente vulneravel liu hosi violasaun direitus umanus no-mos kria Centro Nasionál Memoria, peskiza no aprendizajen.
Tinan ida ne’e nudar tinan daruak ba atribuisaun prémiu Jornalizmu ba Paz Mana Gorreti Joaquim, atribui ba media online lafaek news nu’udar manan dahuluk iha premeriu tinan daruka nian.
Manan nain iha tinan daruak atribuisaun ba prémiu jornalizmu ba paz Mana Maria Gorreti Joaquim, vensedor dahuluk media online lafaek news, ho notisia titulu Tanba moras no Lakon Komunikasaun Simu Demisaun Husi PNTL ho valor 374, Tatoli.IP ho titulu notisia, tinan 20 adeia 4 iha fautumea ho aldeia 15 iha Fohorem la asesu eletrisidade, hetan valor 354, Neon Metin ho titulu notisia, uma kain 20 sei hela sentru evakuasaun 4 setembru Balide tanba uma seidauk hadia, ho valor, 353, no Independente Amica ho titulu notisia Inan ruak Ne’ebé Hela Iha Tia nia Dapur, hetan valor 405,
Entretantu, prémiu ne’e entrega direta husi premiadu Nobel ba Paz no eis Prezidente Repúblika, José Manuel Ramos Horta, ba diretór ezekutivu media online Lafae News, Floriano Soares, no manan nain ba kategoria imprime jornal Independente, entrega direta husi Prezidente Konsellu Imprensa Virgilio Guterres.
Iha ámbitu serimónia CNC atribui mos prémiu ba manan nain husi kompetisaun fotografia sítiu istóriku nian, Juvita husi munisipiu Kovalima sai manain dahuluk ba kompetisaun refere, tuir Renata husi munisipiu Bobonaro (Maliana), nu’uadr mana nain daruak no Antonio Pinto husi munisípiu Vikeke nu’udar manan nain datoluk.
Observasaun lafaek news, partisipasaun iha eventu atribuisaun prémeiu ba tinan daruak ne’e, marka prezensa husi reprezentante Prezidente Repúblika, Francisco Guterres Lú Olo husi Francisco Maria Vasconcelos, brigadeiru jeneral Falur Rate Laek, eis Prezidente Repúblika (II), premiadu Nobel ba Paz José Ramos Horta, Vise Primeira Ministra no Ministra Solidariedade Sosial no Inkluzaun (MSSI), Armanda Berta dos Santos , vise Ministru Negósiu Estranjeiru no kooperasaun (MNEK) Juliao da Silva, inklui instituisaun parseiru nasional no internasional, no serimonia ne’e abertura husi padre Juvito do Rego.
Jornalista : Azélio da Cruz
Editor : Agapito de Deus
