Lafaek News–Ezisténsia Sentru Treinamentu Vokasional Juventude (STVJ), suku Leuro postu administrativu Lautem provoka autoridade no komunidade sira haksolok tanba transforma produtu lokal nakfilak ba marmelada.
Xefe suku Leuro Carlito Viegas, hatoo sentimentu haksolok ho presenza Sentru Treinamentu Vokasion ál Juventude (STVJ) Komoro ne’eb é forma komunidade sira oinsá produs ai-han lokal sai marmelada, atu hahú valoriza aifuan lokal iha komunidade nia leet.
Autoridade lokal iha suku Leuro, orgulu tebes ho prezensa CTVJ nia, tanba ai-han lokal ne’ebe iha toos laran barak mak estraga no ba faan iha merkadu ema la sosa ho formasaun ida ne’e espera komunidade bele implementa hodi labele estraga aifuan lokal sira iha toos laran, bele produz sai marmelada” dehan Xefe suku Leuro iha sede suku Leuro hafoin abertura formasaun refere, segunda 26/10/2021.
Tuir Carlito formasaun ne’e foin ba dahuluk nian, STVJ Komoro hala’o iha fatin suku Leuro kona-ba aifuan lokal bele produz sai ba Marmelada, hein katak komunidade bele aprende husi formasaun ne’e ikus bele implementa.
Iha fatin hanesan Treinador STVJ, Leonel Noronha das Neves hateten, formasaun fokus liu halo inovasaun ba ai-han lokal ne’ebe iha area rural, komunidade kuda, dala barak lori ba merkadu ema la sosa estraga de’it, STVJ hanoin oinsa halo inovativu produtu ne’ebe mak iha bele sai marmelada.
Aihan lokal ne’ebé produz sai marmelada mak hanesan hudi, fore-rai, ai-dila- sabraka, lakeru tasak, kulu jaka, goiava no seluk tan.
Iha sorin seluk partisipante komunidade suku Leuro Madalena Julia de Sá, sente kontente tebes ho formasaun ne’ebé fasilita husi STVJ Komoro halo invoasaun signifikativu iha populasaun suku Leuro nia leet.
Formasaun ida ne’e diak tebes ba ami ami, bele aprende oinsa mak ai_fuan lokal sira ne’be mak iha bele produz sai marmelada hodi bele konsumu atu nune’e aifuan lokal labele estraga, tanba ami halo prátika kedas nune’e bele implementa, dehan partisipante ne’e
Formasaun ne’e apoiu husi Uniaun europeia liu husi Alemaña ne’ebe fo ba GIZ, GIZ fo fiar ba STVJ Komoro, formasaun ne’e hala’o durante loron 5, partisipa husi komunidade suku Leuro, inklui estudantes UNTL ne’ebe hala’o hela estájiu Servisu Sosial (ESS) iha suku refere. antes ne’e hala’o ona iha suku Kakaven postu administrativu Lospalos munisipiu Lautem, Kovalima, Bobonaro.
Jornalista : Rita Moniz
Editor : Agapito de Deus
