Lafaek News—Intitutu Superior Cristal (ISC), sesta 22/10/2021r realiza misa agradesimentu ba loron padruéiru Saun João Paulo fundasaun Edukativa Kristal ne’ebé prezide husi Padre Manuel Pinto SDB.
Ita hanoin hikas loron padruéiru saun João Paulo II nian ne’ebé hanesan padruéira ba intituisaun Kristal nian, tan ne’e ohin loron ami selebra no realiza misa agradesimentu,” dehan Vise Reitor ISC Jacinto Junior ba jornalista hafoin remata misa iha Cristal Balide Dili, Sesta 22/10/2021.
Junior esplika, atividade halo misa agradesimentu ida ne’e la’os buat foun ba fundasaun edukativa kristal maibé kada tinan sira sempre realiza misa agradesimentu bainhira too loron padrueiru nian.
Lala’ok ida ne’e kada tinan ami hala’o, mak agora padruéiru Saun João Paulo II nian hamutuk ho illas seluk hala’o hela vizita ba munisípiu no mos ba vizita eskola Kristal sira iha rai laran ho objetivu atu hatudu oinsá bele konfiansa ba ita nia maromak liu husi padruéiru sira,” Junior deklara.
Entretantu tuir observasaun lafaek news nian iha terenu katak partisipante sira ne’ebé partisipa misa agradesimentu ne’e mak hanesan Prezidente Ezekutivu Fundasaun Kristal, Reitor ISC, Corpu Dosente, professores sira no mos estudante Kristal husi ensinu BBáziku too Universidade.
Jornalista : Orlando Magno
Editór : Agapito de Deus
