Lafaek News–Prezidente Institutu Superior Kristal (ISC), Agustino Goncalves Informa loron dahuluk husi fulan Novembru too Fevereiru 2021, ISC loke Inskrisaun ba estudante foun ba tinan akadémiku 2022 liu-liu fakuldade edukasaun no saúde.

Fulan oin ita hahu halo inskrisaun ba estudante foun neebe hakarak eskola iha ne’e, ba lisensiatura ami iha fakuldade rua mak hanesan fakuldade edukasaun no fakuldade Saúde“dehan Prezidente ISC Agustino ba jornalista Iha Cristal Balide Dili, Kinta 21/10/2021.

Agustino afirma, ba estudante sira ne’ebé hakarak mai rejistu iha ISC, tenke hatene uluk regulamentu kona-ba rejistu iha eskola ne’e tanba institutu hotu sempre presiza sira nia dokumentu hodi rejistu.

Estudante foun sira ne’ebé atu mai rejistu tenke lori dokumentu hanesan, Diploma Sekundariu, Eleitoral/Bilete Identidade, Sertidaun Batizmu/RDTL no mos dokumentu seluk ne’ebé husi instituisaun Presiza,” Nia deklara.

Entretantu Prezidente ISC Agustino Goncalves esplika, durante estadu emerjénsia estudante sira ne’ebé tuir aula online hamutuk 50% de’it, tanba barak la tuir aula online impaktu husi rede sosial no pulsa, nune’e mos estudante ne’ebé da-daun marka prezensa iha aula prezensial kuaze porsentu 70, tanba balu seidauk fila husi sira nia munisípiu.

Jornalista  : Orlando Magno

Editór          : Agapito de Deus