Lafaek News–Kondisaun Uma ba kbiit laek Yosefina Nai Hati ho nia kaben Antonio de Araujo, la digu, airin be fui ho semente lahuk no tonka ain iha varanda oin, iha tempu udan no anin boot uma nakdoko hanesan bero iha tasi-leten.
Yosefina Nai Hati, idade 43 ho nia kaben António de Araújo ho idade 47 husi Aldeia Depositu Penal Suku Lahane Orientál Postu Administrativu Nain Feto munisípiu Dili, iha oan nain 6 kompostu husi mane 2 no feto 4, moris iha situasau halerik bá hela fatin ne’ebé la seguru, tempu udan no anin boot toba la hakmatek iha tempu kalan.
Uma ne’ebe Yosefina ho nia kaben ho oan nain 6 hela ba, kondisaun la seguru ona, ai-rin tonka ho ai, tanba rin ne’ebe fui ho simente lahuk no namtaten, block dodok no monu husi sorin besik varanda, anin huu nakdoko hanesan bero nakdoko iha bee leten, Yosefina lakon esperansa ba iha tempu udan no anin boot posbilidade bele naksobu.
Ha’u nia kaben nia servisu laiha, ema mai bolu mak ba naran la’o ho kolega balun hodi servisu, sekarik la mai bolu ami iha uma de’it, servisu seluk laiha tanba agora situasaun hanesan ne’e hela de’it halo ami buka servisu seluk mós susar, uma mós kondisaun la di’ak ona tempu udan ho anin boot mai halo ami toba la di’ak,’’ haktuir Yosefina ba lafaek news iha nia rezidensia suku Lahane Oriental foin lalais ne’e.
Yosefina haktuir iha udan, bee sulin tama hotu ba uma laran estraga sasán uma laran, quartu lara ho kama bokon hotu susar deskansa, hakarak hadia fali uma ne’e, maibé difisil tebes ba buka osan tanba servisu mak hanesan ne’e hela de’it,’’’Hateten Yosefina Nai Hati.
Nia esplika ho laran todan tebes tanba kondisaun uma la dignu, halo sira hamahan an ba la di’ak, tanba tenpu udan ka anin boot mai halo sira toba la di’ak tanba bee tama hotu ba uma laran estraga hotu sasán uma laran nia halo sira deskansa mós la di’ak.
Ha’u nia kaben karik ema mai bolu ba servisu hanesan ne’e fila mai uma dalaruma ema fo osan maka dólar 20 too $.25 hanesan ne’e de’it, entaun ami atu hanoin tan ba hadia uma mós sente la di’ak, tanba osan ne’e, ami hakarak sosa matéria uma nia osan laiha, hahan iha uma laran mak araska tebes,’’ nia haktuir, ami la brani, sente moe ne’e maka osan ne’e ami sustenta de’it ba nesesidade uma laran nia no ba ami nia oan sira nia eskola, tanba labarik sei eskola presiza hela sasán barak, tanba iha ona nivel pre-sekundaria, ida seluk ne’e maka foin da-daun mak remata nia hakarak tebes atu kontinua nafatin nia estudu, hau nia forsa la to’o atu selu eksola, entaun nia agora la kontinua,” Tenik Yosefina Nai Hati ho laran todan.
Estajiada : Juvita Ximenes
Editor : Agapito de Deus
