LafaekNews-Xefe Gabinete Kontrolu Kualidade Komunikasaun Sosial (GKKKS) HNGV, Sara Maria F. Xavier, informa, durante  fulan setembru tinan 2021, iha Ospital Nasional Guido Valadares (HNGV), rejista kazu  asidente tráfegu hamutuk 103.

Iha fulan Setembru ne’e moras ne’ebé rezistu aas liu iha HNGV mak Asidente tráfegu hamutuk 103, asidente ho motor hamutuk 78, feto 30, mane 48, no asidente ho kareta hamutuk 25, feto 10, Mane 15,” esplika xefe Gabinete Kontrolu Kualidade Komunikasaun Sosial (GKKKS) HNGV, Sara Maria F. Xavier, iha nia knaar fatin HNGV, Tersa-feira (12/10/2021).

Husi dadus ne’ebé kona-ba kazu ne’e durante fulan setembru ne’e, kompostu husi kazu violénsia doméstika hamutuk 12, pankada 6, sona 6, no violénsia doméstika sosiál hamutuk 25, tuda ho fatuk 1, pankada 23, sona ho tudik 1, nune’e ema mout iha tasi  1, kazu intoksikasaun ema na’in  2, Asidental 1, no ai -moruk lanu 1, Sara esplika.

Sara afirma, totál pasiente ne’ebé baixa iha unidade sira hamutuk 666, iha maternidade 272, medisina interna 121, Cirurgia 123, Pediatria 118, Perinatologia 32, no kazu iha psikuatria nain 1 psikolojia kakutak.

Nune’e dadus jerál ne’ebé iha HNGV, mak hanesan, emerjénsia pasiente alta hamutuk 995, alta ho autorizasaun husi mediku 964, alta ho pedidu 31, no ema mate iha emerjénsia hamutuk 11 maioria ho moras fuan, no pasiente tama iha unidade  medisina 135, alta 104, mate 13, iha unidade Cirurgia 123, alta 94, mate 6, iha unidade Obstetrisia no Gynecologia, inan ne’ebé tama iha maternidade 248, inan ne’ebé partu 294, total bebe moris 254 bebe kaduak 7, no pasiente ne’ebé mate iha ICU hamutuk: 7, no  iha operasaun hamutuk nain 159, Elektivu 5 no Emerjensia 154, tenik Sara Maria F. Xavier.

Jornalista         : Sandi Belo

Asisten Editór  : Egidio Nono