Lafaek News–Inan faluk Edibista da Silva idade 75, espresa sentimentu tristeza no nakonu ho mata-wen no lakon ona esperansa ba oan sira nia futuru, tanba laiha osan atu selu eskola no laiha rendimentu ba produtu ne’ebé nia fa’an iha merkadu Manleuana.
Faluk ne’e mai husi aldeia Uma-Bere suku Ossu Dexima postu administrativu Ossu, munisípiu Vikeke iha oan nain 8, kompostu husi mane 5 feto 3, oan sira halerik ba nesesidade moris no susar tebes dudu oan sira ba eskola.
Ha’u fa’an sasán ne’e durante tinan 2 ho balun ona, fo-foun ha’u la’o fa’an tuir iha dalan-dalan sira ne’e de’it , iha fatin elemloi, ami lori ba fatin-fatin de’it, maibé polísia sira mai siak ami duni ami raut ami nia sasán ne’e mak ami tauk, entaun hau produtu la folin no lakon mos osan ne’ebé hau sosa hodi fa’an, Hateten inan faluk Edibista da Silva ba lafaek news iha merkadu Manleuana foin lalais ne’e.
Inan faluk ne’e iha tebes vontade halp negósiu atu bele kompete negosiante sira husi rai liur ne’ebé fa’an sasan hanesan mos ema Timor-oan sira, tanba fatin hirak ne’ebé estratéjiku hafasil hetan osan, ema husi nasaun seluk maka okupa hotu no governu bandu labele faan iha estrada ninin.
Faluk ne’e fundamenta katak atu lakohi fa’an sasán ne’e, maibé sente la di’ak, oinsá bele dudu oan sira nia eskola ba oin no sustenta nesesidade uma laran, tanba iha oan nain rua sei eskola, ida eskola iha Canossa , ida seluk eskola iha UNTL.
Tanba ne’e ha’u tenke obriga an ba fa’an sasán sira ne’e liuliu mak ba hahán loron kalan nian, maske ha’u idade ferik ona ha’u nia kaben mós matebian kleur ona ha’u tenke halo buat hanesan ne’e hodi haree oan nia estudu no nesesidade uma laran nia, tidak munking husu ba ema seluk atu haree ba oan sira nia estudu,’ dehan faluk Edibista.
Inan faluk ne’e hateten katak ho uza nia maneira rasik mak tenke ba fa’an sasán sira ne’e hodi bele dudu oan sira ba eskola no sustenta nesesidade uma laran nia.
Nia haktuir, antes seidauk iha estadu emerjénsia no implementasaun konfinamentu obrigatóriu ne’e, modo no aifuan folin teb-tebes, maibé bainhira governu aplika situasaun konfinamentu ho serka sanitaria ne’e buat hotu la folin, tanba osan laiha no ema hotu tenke hela iha uma de’it.
Fo-foun hau mai tur iha fatin ne’e molok serka sanitaria ne’e sasán ne’e folin di’ak tebes , dalaruma loron ida bele hetan to’o dólar 50 se lae to’o dólar 60, maibé akontese tiha moras naran covid ne’e mak ita nia boot halo EE ne’e halo ami nia sasán la folin to’o agora, agora ne’e ami nia sasán ne’e fa’an husi dader to’o fale kalan mós dalaruma hetan de’it dólar 5, sasán ne’e mós hanesan ha’u sosa ema seluk nia mak ha’u mai fa’an fali, sosa ho folin dólar 12, maibé ami mai fa’an fali dalaruma la hetan osan inan ne’ebé ami sosa ba ne’e, faan hetan mak dólar 5 too 8 de’it, entaun sasán ne’e rai kleur sai dodok no aat,” Nia hateten
Entrevista ne’e molok atu too nia ninin, ona faluk ne’e husu ba nain ulun sira lalika taka tan dalan ona atu nune’e ema la’o livre hodi sosa netik sasán sira ne’e iha merkadu atu lalika dodok estraga.
Estajiária : Juvita Ximenes
Editór : Agapito de Deus
