Lafaek News–Comisaun Nasionál eleisaun (CNE) Lautém involve arte marsiais ho líder komunitárius sira iha postu administrativu Lautém suku Pairara hodi haklaken informasaun ho tema edukasaun sívika promove resensiamentu eletiral no eleisaun ne’ebé rezilente ho covid-19.
Ami konvida Grupu organizasaun arte marsiais, partidu polítiku sira líder komunitáriu no autoridades sira, matéria ne’ebé ami fahe defini ona iha desizaun plenaria, matéria relevante tebes hodi divulga ba sidadaun sira, matéria sira mak hanesan orgaun administrasaun eletoral, resensiamentu no atualizasaun baze dadus, no husi STAE nian ko’alia kona-ba preparasaun ba eleisaun prezidensiál nian,’’ delegadu CNE Munisípiu Lautém, Anacleto Lopes, ba jornalista iha munisipiu Lautém, kina semana ne’e.
Sorin seluk responsavel arte marsiais Ikatan Kera Sakti (IKS) suku Pairara, Miguel dos Santos, reforsa nia parte kontete tanba CNE konsidera arte marsiais sira hodi partisipa iha edukasaun sívika ne’e.
Ha’u sente edukasaun sivika ne’ebé mak cne fo ne’e di’ak, depois simu informasaun ne’e ha’u sei fahe tutan ba ha’u nia maluk sira iha aldeia ne’ebé ha’u hela ba,’’ Miguel afirma.
Iha atividades edukasaun sívika ne’e partisipa direta husi xefe suku sira iha postu administrativu Lautém, membru PNTL Munisípiu Lautém ho autoridsdes lokál sira hotu.
Jornalista : CE.Lautem
Editór : Agapito de Deus
