LafaekNews-Governu liu husi ministériu da Saúde(MS), sei propoin Sentru Saúde Komoro(SSK), atu labele sai de’it hanesan sentru saúde internamentu maibé sei sai mós hanesan ospitál munipal iha Dili
Tuir Ministra da Saúde(MS),Odete Maria Freitas Belo, hateten, nia parte sei propoin Sentru Saúde Komoro(SSK)sai óspital munisípal Dili nian, la’os atu sai sentru saúde internamentu de’it
“Hau mós hare’e diretora husu hela atu eleva Sentru Saúde ida-ne’e nia nivel atu ba iha sentru internamentu maibé ita boot ninia númeru populadaun ne’ebé mak atinji ona 165 mill ital, tuir planu husi diretor koperasaun planu politíku kooperasaun katak se karik atu eleva la’os ba iha sentru saúde internamentu maibe atu eleva ba iha óspital Munisípal,” Esplika Ministra Saúde Odete Maria Freitas Belo, iha Sentru Saúde Komoro, Sesta (01/10/2021)
Governante ne’e informa, Atu eleva ospitál ida-ne’e mós la’os fasil maibé depende mós ba iha komunidade, tamba vizita perkapital ne’e sei rua de’it, ita nia hakarak ne’e ema ida hasoru infermeiru sira tinan ida dala tolu, tamba indikador vizita perkapital ne’e kada tinan dala 3.
“Ita hakarak atu eleva ospital ne’e tenki hatudu husi indikador sira, inan sira ba vizita ka lae, sira ba simu besigen ka lae, besigen ne’e 90% ka hira, indikadór importante sira ne’e mak tenki partilla ho prezidente autoridade, administrador postu, xefe suku no xefe aldeia para atu asegura sira nia komunidade sira tenki asesu ba iha fasilidade ne’ebé mak ita prepara ona, nune’e bele fó dalan ba ita atu eleva fasilidade ne’ebé mak ita halo,” dehan nia
Nia informa, maibé partisipasaun komunidade nian ba iha sentru saúde menus, entaun susar atu bele, imi nia indikador ida hatudu ne’e mak númeru populasaun de’it, maibé asistensia saúde ne’e la ajuda ministériu da saúde para atu eleva imi nia nivel.
“Hau fó hela servisu ida ne’e ba iha lider kominitáriu sira, diretora sentru saúde ne’e no doutora sira ne’ebé mak hala’o aktividade saúde na familia favor ida halo relatóriu ne’ebé mak di’ak atu hatudu ita boot sira nia prestasaun liu husi indikador ne’ebé mak ita define ona, atu nune’e bele fasilita ministériu saúde hodi hasae nivel sentru saúde ida-ne’e, la’os ba sentru saúde internamentu, maibé ba ita prepara ba ospital munisípiu,”tenik Governante.
Jornalista : Sandi Belo
Asisten Editór :Egidio Nono
