Lafaek News–Sekretáriu Estadu Komunikasaun Sosiál (SEKOMS.), kontinua fó tulun jornalista Rádiu Komunidade Lospalos liu husi trenamentu hakerek notísia online durante loron rua iha Lautem.
Responsavel ekipa apoiu rádiu komunidade, departamentu apoiu media lokál. Celestino Freitas Hateten intermus tékniku, notísia no konten ami mai atu fasilita jornalista sira oinsá ba iha prátika servisu loron-loron nian liu-liu ba iha radio.
Website ne’ebé establese ona iha rádiu komunidade Lospalos ita mai iha ne’e atu fo matéria ne’ebé fokus ba area tolu notásia PSA drama rádiu talk show, oinsá kapasita maluk jornalista radio komunidade sira, saida mak sira aprende ona ita mai aumenta liutan, oinsá teknika hakerek notisia nian, kobertura no téknika produsaun programa no seluk, tuir planu loron tolu hahú husi kuinta remata iha sabado semana ne’e,’’ haktuir Celestino Freitas.
Xefe ekipa ne’e husu nafatin komunidade Lautém atu akompania rádiu komunidade liu husi online no offline ne’ebé SEKOMS establese ona ba rádiu komunidade sira, SEKOM iha komprimisu ida katak ezisténsia rádiu komunidade ne’e iha fator determinante.
Sorin seluk jest ór Rádiu Komunidade Lospalos Vox Populi, Nascimento Provinsial, afirma nia parte konsidera formasaun ne’e oportunidade di’ak tebes ba rádiu komunidade Lospalos,
Durante ne’e ami mós persija duni ida ne’e, maibé formasaun ne’e ho durasaun tempu kiik liu, tanba formasaun ne’e avansadu, ne’ebé persija durasaun tempu ne’ebé barak ba jornalista sira atu nune’e sira bele aprende di’ak liu,
Nascimento fundamenta, formasaun ne’e parte ida husi ezijénsia ami nain wainhira enkontru ami sempre ko’alia jornalista sira persija informasaun, mudansa rádiu husi analog ba dijitalizasaun presija kapasitasaun rekursu ka jornalista sira hodi bele halo servisu ho di’ak,” dehan jesto rádiu komunidade Lospalos ne’e.
Jornalista : CE. Lautem
Editór : Agapito de Deus
