Lafaek News–Oitavu Governu, ho Organizasaun Saúde Munidial (OMS), kinta (30/09/2021), asina akordu hodi servisu hamutuk kombate moras Tuberkoloze iha Timor Leste.
Ohin ita halibur malu iha ne’e hodi hafoun objetivu boot ne’ebé asume husi País iha Planu Estratéjiku Dezenvolvimentu Nasionál (PEDN) no prevee ona iha Objetivu Dezenvolvimentu Sustentavel (ODS), ne’ebé asina ho ita-nia parseiru dezenvolvimentu sira, Kompromisu Timor-Leste nian ida hodi Halakon Tuberkuloze,’’ dehan PM Taur iha City 8 Dili, kinta (30/09/21).
Taur fundamenta, tuberkoloze hanesan moras ida kontajioza maka’as tebes no inkapasitante, dalaruma halo ema mate, la’os de’it objetivu define ona iha planu nasionál saúde liu husi programa governu konstitusional daualuk hanesan saúde publika no dever konstitusional atu defende direitu sidadaun sira ne’ebé sira hotu moris iha ambiente saudavel.
Maski nune’e, iha prevalénsia ne’ebé boot husi moras ida-ne’e ho ema sira ne’ebé presiza tulun no preokupasaun, ema sira ne’ebé presiza liu, vulneravél, desfavoresidu sira país nian, ne’ebé maka hasoru dezafiu hodi promove komportamentu saudavel iha alimentasaun, ijiene ka prevensaun ba moras infektokontajioza sira,.
Tuberkuloze ne’e, hanesan moras ida-ne’ebé ho podér transmisaun boot liuhusi via respiratória no kontájiu lalais teb-tebes konsidera hanesan flajelu ida husi moras aat 10, ne’ebé hamate ema barak iha Mundu ne’e, no sai nu’udár obstákulu sériu ida ba sosiedade ne’ebé hakarak sai moderna no dezenvolvida, bele afeta ba kualkér kualidade moris ema nian la haree ba ninia pozisaun ekonómika no sosiál.
Ita iha esperansa atu alkansa, iha tinan lima oinmai mudansa konkreta no signifikativa sira iha luta ne’ebé book ita atu kontra moras ida-ne’e,” informa PM.
Enkuantu esperansa ne’e sei haforsa, husi mobilizasaun meiu foun no rekursu sira, iha kombate ne’ebé lidera husi Ministériu Saúde, nivel nasionál, hodi promove vontade foun, estabelese parseria foun no implementa espíritu saúde familiár foun no komunitária.Espíritu ida ne’ebé bele promove sidadaun, autoridade lokál, organizasaun públika no organizasaun naun-governamentál sira-nia partisipasaun ida di’ak liu ho objetivu komún hodi harii país ida saudavel liu no livre husi moras ho prevensaun no tratamentu disponivel, hanesan Tuberkuloze.
Ita hakarak halo liután, ho meiu sira ne’ebé maka disponivel, maibé ita presiza ema hotu nia kolaborasaun, ho forma integrada, ho estratéjia multisetoriál, tanba Tuberkuloze la’os de’it autoridade saúde ka Governu nia obrigasaun, maibé mós devér síviku ida husi sidadaun ida-idak,” hakotu Nia.
Jornalista : Juvita dos Santos
Editór : Agapito de Deus
