LafaekNews—Governu liu husi reuniaun Konsellu Ministru (KM) deside hakotu ona Serka Sanitária (SS) ba populasaun iha Munisipíu Dili, bazeia ba rekomendasaun husi sentru integradu jestaun krije.
Ministru Prezidénsia no Konsellu Ministru (MPKM), Fidelis Manuel Leite Magalhães hateten, hafoin analiza aprezentasaun ba pontu situasaun epidemiolójika país nian, ne’ebé hala’o husi Koordenadór Sala Situasaun Sentru Integradu Jestaun Krije (SIJK), deside hakotu ona Serka Sanitária (SS) iha munisípiu Dili.
“Deside la renova serka sanitária iha Munisípiu Dili, ne’ebé remata ohin oras 23:59,” dehan Fidelis ba Jornalista sira iha Palasio Governu Dili, kuarta (29/09/21).
Enkuantu iha loron 27/09/2021, Prezidente da Republika (PR), Francisco Gutterres, Lu-Olo, haruka ona pedidu ba Estensaun Estadu Emerjensia dala 18 ba Parlamentu Nasional no hetan ona aprovasaun husi parlamentu nasional iha 28/09/2021.
Jornalista : Juvita dos Santos
Asisten Editór : Pedro de Almeida
