Lafaek News—Ministériu Saúde (MS) liu husi diresaun nasionál saúde na-familia halo avaliasaun nasionál no revizaun estratejia ne’ebé implementa konaba responsabiliza protesaun kuidadu saúde, foka liu ba atensaun primariu liu husi hakbesik prestasaun servisu ba individu, familia no komunidade.
Diretur Nasional Saúde Na-familia Vitor Soares Martins, hato’o asuntu ne’e hafoin remata avalisaun no revizaun ba estratejia implementasaun saúde nafamilia iha salaun delta nova, kuarta (29/09).
“Objetivu ida halo avaliasaun ba iha aktividade sira ne’ebé mak halao hahú husi 15-28 setembro 2021 kona ba nia progresu, no aprezenta konaba dadus familia hira mak ekipa nasional saúde na familia halo levantamentu no vizita dignostiku partisipatoriu ba individu ho familia sira ne’ebé mak sira ba vizita,” dehan Diretur Nasional Saúde Na-familia Vitor Soares Martins, ba jornalista sira iha Delta Nova, Kuarta (29/09/2021).
Nia hatutan, objetivu segundu atu halo revizaun ba iha parte estratejiku operasional ba iha avaliasaun nasional saúde na familia, haree katak iha ona estrutura fasilidade hahú husi postu saúde, sentru saúde, sentru saúde internamentu, no mós óspital referral no Nasionál.
Nune’e mos nia relata, total uma kain ho individu ne’ebé ekipa saúde na familia halo ona vizita iha familia hamutuk 2.789,48 no membru familia hamutuk 1.2571,16.
“Kuidadu saúde primaria ne’e importante tebes, tanba distribuisaun populasaun haree katak geografikamente balun hela iha foho, portantu ita tenki kria ideia ida sai hanesan esbosu ida no sei hetan mós aprezentasaun husi diretor munisípiu sira kona ba sira nia dadus individu no dadus familia no iha finalidade atu halo rekomendasaun ba Ministra Saúde atu bele kria unidade,” tenik nia.
Diretur mos imforma, iha tinan 2019 moris ona SAR-COV-2 ka covid-19, ekipa sempre iha difikuldade hanesan Laptop, Tablet, no mós rede internet, presiza halo distribuisaun pulsa ba maluk sira ne’ebé mak halo hela atividade iha pos vasina ou postu saúde sira ne’ebé halo atividade tratamentu regular nian, portantu sira ne’e sai hanesan difikuldade ba iha ekipa, maibé ida ne’e la sai hanesan obstakulu ekipa.
Iha fatin hanesan Diretur Servisu Saúde Munisípiu Vikeke, hatete, dadaun ne’e rezistu saúde na familia eletronika iha Vikeke nian doze primeiru ba vasina nian rihun 10 liu, no segundu doze rihun 4 resin, ida ne’e signifika katak saúde na familia ne’e lao hela.
“Vizita ami kontinua lao, konaba iha vizita Epidemolojika entaun ita halo contact trasing ka close contact ba iha ema ne’ebé ho covid-19 nian, familia sira ne’e ita tau atensaun no haruka ekipa ida rapid responthing para ba halo vizita iha ne’eba atu foti sampel nune’e bele hatene sira nia kondisaun ne’e lao oinsa,” dehan nia
Jornalista : Sandi Belo
Asisten Editór : Pedro de Almeida
