LafaekNews-Komisaun Nasional Kombate, HIV/SIDA rejista kazu ne’ebé afeta ba sidadaun iha Timor-Leste, hahú husi 2003 to’o 2021 hamutuk rihun ida atus tolu hitu nulu resin haat(1374), no agora dadauk mate hamutuk atus ida lima nulu resin lima(155).
Asuntu ne’e hato’o husi, Sekretáriu Ezekutivu HIV/SIDA Timor-Leste, Atanasio de Jesus, hafoin hala’o seminariu kona-ba prevensaun ka kombate HIV/SIDA iha Universidade da Paz(UNPAZ), kuarta-feira, 29/09/2021.
“Dadus ne’ebé mak durante komisaun Kombate HIV/SIDA rejista totál kazu husi 2003 to’o 2021, kazu hamutuk 1374, no ita mate mós iha ona hamutuk 155, no sira ne’ebé mak agora dadauk halo hela tratamentu hamutuk, 656, restu seidauk ha,o tratamntu tanba balun distansia dook husi vila entaun sira seidauk hetan tratamentu,”dehan Sekretáriu Ezekutivu HIV/SIDA Timor-Leste, Atanasio de Jesus.
Nia hatutan, agora dadauk mós ministériu saúde(MS) servisu hamutuk hela ho organizasaun sira mak hanesan, organizasaun Esperansa, Estrela,
“Iha totál moras ne’e sira ne’ebé distansia dook seiduak hetan tratamentu, maibé grasas adeus tanba ministériu saúde(MS) servisu hamutuk ho organizasaun sira hanesan, Esperansa, Estrela, nomos organizasaun lubuk ida ne’ebé iha, tanba ne’e mak dadus ne’ebé mak ohin ha’u temi 155 halo ona tratamentu no restu, seidauk konsege tanba kuaze balun lakoi besik ba tratamentu, sira konsidera katak sira nia imunidade ne’e sei forte,”tenik Atanasio.
Nia Informa, atividade HIV/SIDA nian ne’ebé durante ne’e la’o iha tempu pandemia meius ne’ebé mak sira uza mak fahe informasaun liu husi liña telemovel hanesan mensajen direta ba liuhusi kartaun operador telekomunikasaun telemor nian.
Estajiadu: Azelio da Cruz
Asisten Editór: Egidio Nono
