Lafaek News–Konsellu Imprensa (KI) hamutuk ho Centru Nasional Chega (CNC), tersa (21/09/2021),ofisialmente halo Lansamentu Plaka Rua Liberdade Imprensa hahuhusi rotunda Francisco Xavier do Amaral, too ponte kuluhun metin ho naran Liberdade Imprensa.
Ohin Konselu impresa halo ativiadade iha parte rua hanesan kontinua halo sensibilizasaun ba públiku kona ba liberdade Imprensa no liberdade espresaun maneira ida mak atu fo hanoin ba públiku katak Timor nia ukun rasik an tanba liberdade Imprensa ka Jornalista sira halo servisu Jornalista nian ne’e mate iha ne’e,” Prezidente Konsellu Imprensa, Virgílio da Silva Guterres iha Rotunda Xavier, tersa (21/09/2021).
Prezidente KI ne’e katak, ko’alia kona-ba prosesu libertasaun nasionál ne’e, jornalista sira mos kontribui liu husi sensibilizasaun liberdade espresaun no liberdade imprensa.
Iha fatin hanesan Diretor Ezekutivu CNC Hugo Maria Fernandes nia parte agradese ba KI ba parserial ne’ebe mak diak no fulan oin fila fali ba Balibo hodi halo komemorasaun iha Balibo Five.
Ohin ita mai iha nee selebra asaun ida kona ba memorializasaun nian atu dignifika,valoriza no fo rekoñesimentu ba sira nia Kontribuisaun hodi hatoo ita nia solidarizasaun ba ema barak mak mate”,Dehan nia.
Iha sorin seluk Laureadu Nobel Da Paz, Jose Ramos Horta, reforsa liberdade imprensa iha rai ida ne’e iha konstituisaun istória luta ba plaka ida formaliza dalan ne’ebé hanaran Liberdade Imprensa.
Liberdade imprensa iha rai ida ne’e iha konstituisaun istoria luta ba plaka ida formaliza dalan ne’ebe hanaran Liberdade imprensa uluk hahu husi rotunda Xavier to Becora, maibé ho governu nia planu muda mai to de’it iha kuluhun la hatene tanba sa?,” Horta Deklara.
Entretantu, programa ne’e get an apoiu máximu husi United Nations Education,Scientific and Cultural Organization(UNESCO).
Jornalista : Rita Moniz
Editór : Agapito de Deus
