Lafaek News–Carla da Costa Ximenes idade 14, klase 8 ajuda nia mama leba tutan ema nia modo haleu Dili faan hodi bele hetan osan sosa material eskola inklui responde nesesidade uma laran.
Carla feto ida ne’ebé idade kiik isin metan-midar, vontade no la hatene mo’e, iha forsa hodi leba tomate no lis-tahan, mostarda no aidila-funan tula ba kbaas leten la’o haleu sidade Dili iha loron manas-laran, labee tauk mans no labele sente moe, tanba aprende oinsa buka osan no aprende moris independente.
Modo ne’ebe hau Faan nee ema nian, loron ida hau leba dolar 24 nian diak ida modo laiha entaun lori uituan ho tomate,lis-tahan no seluk tan no tomate platik ida ho centavus 0,50 , Aidila Funan mos hanesan Loron diak ida bele hetan dolar 15-20, dala ruma loron ida hetan dolar 3-4 ne’ e deit to kalan,’’ Carla da Costa Ximenes ba Lafaek News iha Merkadu Bekora foin lalais ne’e.
Carla haktuir, loos duni modo ne’e la’os sira nian rasik, maibé fan tutan fali ema seluk nian depos hetan persen husi modo nain bainhira ema sosa barak, moris tenke iha pasiensia labele hanoin ohin kedan sai riku, no labele hanoin ohin kedan sai patraun tenke pasiensia atu hetan moris di’ak.
Osan ne’ebé nia hetan atu sosa material eskola nian mak hanesan kadernu, lapizeira, sapatu inklui kopia,’’ katak Carla iha loja Xineza oin hafoin dada lia ho Jornalista Lafaek.
Carla sente triste, eskola paradu, nunka atu aprende buat ida, eskola taka hela de’it, edukasaun impotante tebes ba labarik sira atu aprende aban bainrua bele kontribuisaun prosesu dezenvolvimentu Timor Leste.
Ha’u triste los bainhira eskola paradu nunka mais atu aprende buat ida, feriadu hela deit atu hatene saida no tur de’it iha uma ita baruk ona entaun ha’u tenke leba ema nia modo hodi buka osan uituan bainhira eskola tama fali karik ha’u bele sosa sapatu, kadernu no buat seluk ne’ebé ha’u presiza,’’ Carla argumenta.
Carla haktuir iha uma laran sira hamutuk nain 4 moris mesak ho inan rasik, tanba sira nian aman husik hela sira hodi kaben fali ho feto kiik, laiha aman ida atu sustenta sira nia moris.
Ami iha uma laran nain haat, maibé ha’u nia aman husik ami no ba hola feto kiik entaun ami hela nain tolu ,hau mak oan primeiru no hau iha alin ida inklui hau nia inan ,hau nia inan agora servisu dasa rai iha ami nia bairo, no ha’u nia alin mos leba hotu ema nia modo hodi haleu Dili laran,’’ nia hakotu.
Estajiada : Crisencia Ferreira
Editór : Agapito de Deus
