LafaekNews-Governu Timor-Leste liuhusi Ministériu Saúde (MS) hetan apoiu material   esensial hanesan kama 400, husi Organizasaun Mundial Saúde (OMS) atu distribui ba iha fatin Izolamentu no kuarentena sira

Tuir Diretora Jerál Prestasaun Servisu Saúde,Odete da Silva Viegas, hateten, apoiu material   esensial hanesan kama 400, no selu tan ne’e governu Korea liu husi Organizasaun Mundial Saúde (OMS), no  ba oin sei apoiu tan kama eletrika hamutuk 50

Ohin Governu Korea liuhusi OMS fó apoiu ba ministériu saúde kama hamutuk 400, ida-ne’e atu distribui ba iha izolamentu sira, aleinde kama 400 ne’e iha mós kama eletriku  50 ne’ebé mak sei mai iha tempu badak, kama 50 ne’e sei tau ba iha ICU sira, no antes ne’e sira apoiu uluk ona kama 100 ne’ebé mak distribui ona ba munisípiu Ermera tanba iha altura ne’eba kazu variante  Delta sae maka’as iha munisípiu Ermera, no sira presiza kama,” esplika, Diretóra Jeral Prestasaun Servisu Saúde, Odete da Silva Viegas, iha palasiu das Sinzas, Kaikoli, Kuarta (15/09/2021)

Odete informa,  Apoiu ne’e fasilita tebes ministriu saúde, tamba dadaun ne’e izolamentu iha munisípiu sira iha hotu, entaun iha munisípiu mós presiza kama, no molok kama 400 ne’e ohin mai ne’e ante ne’e iha atus ida mak mai uluk tanba ne’e kama sira ne’e sei distrinui ba munisípiu ualu (8) tuir kuantidade ka pedidu ne’ebé mak sira husu.

Iha fatin hanesan reprezentante Organizasaun Mundial Saúde (OMS) iha Timor-leste, Arvind Mathurd iha nia diskursu hateten, kama ne’ebé mak sira oferese ba iha ministériu saúde hamutuk 400, no kompletu kedas ho nia sumasu, lensol no meza.

Ami mós sei oferese kama eletriku 50 ba iha ministeriu saúde atu tau ba iha fatin izolamentu ka ICU sira,” dehan nia

Jornalista         : Sandi Belo

Asisten Editór :Egidio Nono