LafaekNews-Prezidente Repúblika Francisco Guterres Lú Olo, promulga ona alterasaun dahuluk ba Dekretu-Lei kona-ba Estatutu, Instituto para a Qualidade de Timor-Leste I.P. (IQTL), ho objetivu hodi hala’o ba kompozisaun orgaun sira, no rekezitu atu regulariza IQTL.
Alterasaun dahuluk ba Dekretu-Lei nee halao ba kompozisaun orgaun sira no rekizitus neebé kesi IQTL, aumenta númeru membrus no konkretiza kompeténsias neebé pertense ba orgaun sira IQTL ninian,” Deklara Prezidente Repúblika Fransisco Guterres Lu-Olo, liu husi Komunikandu ne’ebé lafaekNews.com, asesu liuhusi media Prezidente Repúblika Segunda 13/09/2021.
Iha komunikadu imprensa ne’e, Xefe Estadu hatutan, harmonizasaun ekiparasaun ba kategoria sira titulár kargu sira iha orgaun sira IQTL nian, kláuzula estatutu IQTL ne’ebé sai parte integrante husi Dekretu-Lei neebé kria institutu ne’e mós sai sujeitu ba alterasoens.
Entre artigu sira ne’ebé hetan alterasoins mak artigu 3 ne’ebé dehan katak IQTL bele halao servisu territorialmente deskonsentradu Ministru Turismu, Komérsiu no Indústria mak sei tutela no iha kompeténsia nomea no ezonera Konsellu Administrasaun no Konsellu Fiskal IQTL, I.P (iha kazu nomeasaun no ezonerasaun Konsellu Fiskál, Ministru Finansas mak tenke propoin)”, Dehan PR liu husi Komunikandu impresa.
Tuir Lu-Olo, IQTL, I.P sei organiza tuir departamentus haat: Departamentu Administrasaun, Departamentu Normalizasaun, Departamentu Metereolojia no Departamentu Kualifikasaun no Asuntus Internasionais. Dirijentes husi kada departamentu sei ekiparadu ho Xefe Departamentu. Molok alterasaun nee, dirijente sira-ne’e ekiparadu ho Diretores Nasionais.
Jornalista : Rita Moniz
Asisten Editór: Egidio Nono
