LafaekNews–Movimentu Profesional Apoiu Xanana(MOPAX), fahe nesesidade bázika ba família kbiit la’ek ida iha Bairu Besi Mean, aldeia 12 de Outubro, Suku Komoro, Postu administrativu Dom Aleixu, munisípiu Dili.
Tuir Kordenadór, MOPAX, Cesar Augusto “Ratta Laherubi” hateten, apoiu familia tanba nu’udar ema unamu sempre iha sentimentu ba nia maluk seluk maske husi partidu polítiku, maibé ho situasaun hanesan ne’e presiza fó tulun maluk
Ami husi MOPAX, ami mai husi partidu polítiku, maibé ho situasaun ne’ebé ita nia maluk hasoru ita tenke tulun tuir kbiit ne’ebé ita iha, tanba ho sentimentu hirak ne’e nu’udar umanu iha sentimentu ba família ne’ebé ho kondisaun ba nesesidade bázika minimu tebes entaun ita presiza tulun,”dehan Kordenadór MOPAX, Cesar Agosto,”Ratta Laherubi” ba Lafaek News, iha hafoin intrega materia ba família kbiit laek ida iha Tasi-Tolu, 10/09/2021.
Iha fatin hanesan, Pedro Soares, hanesan xefe família, sente kontente tebes no agradese ba ekipa MPAMBXG, ne’ebé hakmaan ona família refere.
Ha’u nia agradese tebes ba maun boot Xanana nia ekipa ne’ebé ajuda ona ha’u imi nia tulun hanesan osan mean ho imi nia ajuda ida ne’e bele hakmaan netik ha’u nia família ida ne’ebé, tanba situasaun moras Corona ne’e halo ami povu kiik moris araska liután,”dehan Pedro Soares.
Enkuantu sasán nesesidade bázika ne’ebé MOPAX apoiu kompostu husi foos, mina no supermie.
Jornalista : Egidio Nono
Editor : Agapito de Deus
