Lafaek News–Jaime Fatíma de Araújo ho idade 23, hela iha Aldeia Avansa, suku Bairu-Pite, Posto Adminitrativo Don Aleixo, fo hanoin ba joven sira ne’ebé la eskola atu aprende halo negósiu atu kompete ho negosiante rai liur labele domina iha merkadu nasionál.
Objetivu Jaime Fatíma de Araújo hapara husi eskola, tanba haree prosesu mudansa negosiu iha merkadu nasional kuaze dominante ho ema estranjeiru ezemplu konkretu negosiante Xinezas invade iha territoriu, tanba ne’e joven sira ne’ebé la eskola tenke matan moris neon-nain tenke ambisaun halo negosiu atu kompete ho ema estranjeiru.
Ha’u hakarak fa’an tanba ida ne’e dezde uluk kedas husi ferik ho katuas nian ne’e mak to agora hau kontinua fila fali deit ferik ho katuas nian,” hateten Negosiante Jaime Fatíma de Araújo ba Jornalista Estajiada Lafaek News foin lalais ne’e.
Alende ne’e Jaime hapara nia estudu tanba nia aman mate ona no hela nian inan mesak mak faan modo buka osan hodi sustenta uma laran, ho ida ne’e Jaime mos hakarak husik nia estudu kontinua ajuda nia mama fa’an modo bele buka fali osan hodi responde nesesidade uma laran.
Momentu ne’eba pai mate, ha’u para tiha eskola, ferik mesak mak faan modo entaun, ha’u senti ladun di’ak, tanba ita mos boot ona husik ferik mesak buka osan, entaun ha’u senti ladun di’ak hau tenke sai tiha eskola, haruka ferik deskansa iha uma, hau mak kontinua fa’an fali atu nu’une ha’u mak buka fali osan ba uma laran,” nia imforma.
Nia relata Kuandu nia faan sasan iha estrada ninin guarda munisípiu Dili duni, maibe agora fa’an ona fatin iha laran guarda munisípiu la duni ona.
Se ami fa’an iha Estrada entaun sira duni maibe agora fa’an tama mai iha laran ne’e la duni ona,” nia hateten
Nia informa, durante nia fa’an modo ne’e Tinan 3 ona no rendimentu ne’ebe nia hetan kada loron ida to dolar 20 bele to dolar 30, no osan hirak ne’e uza hodi sosa foos, mina liu-liu sustentabilidade uma laran, seidauk iha covid-19 ho KO sasan folin diak no ema sempre mai sosa entaun loron ida bele hetan to dolar 40, mas agora ne’e laiha liu.
‘Ema ladun sosa sasan tanba Covid halo sasan tama mai mos araska no folin mos la hanesan uluk ona Senti la dun diak tamba sasan barak aat modo namlaek estraga hotu ema la sosa,’’ katak negosiante ne’e.
Iha oportunidade ne’e, Jaime rekomenda ba governu tenke hadia situasaun iha rai laran di’ak, nune’e bele fo oportunidade ba negosiante iha rai-laran fan modo ho hakmatek no seguru.
Estajiada : Carla Borges
Editór : Agapito de Deus
