Lafaek News–Padre Martinho Gusmão, rekonese nia rasik mak husu atu Dioseze Baukau suspende husi kna’ar Nai Lulik hodi involve an iha polítika, maibé seidauk sai totalmente husi Nai-Lulik, tanba seidauk simu desizaun husi Amo Papa.
“Suspensaun ne’e ha’u mak husu Bispu mak aseita ha’u hakerek karta ne’e ba Bispu iha 25 de Janeiru 2020, depois iha 4 de fevreiru 2020 ha’u hakerek ba fali tan tanba ha’u mak husu tanba sira tetu hare buat hotu ne’e mak bispu fo karta ida-ne’e ne’e duni bispu mak konkorda ho nia desizaun la’ós ha’u mak konkorda ho bispu nia desizaun la hanesan ida-ne’e ha’u mak husu rasik,”dehan padre Martinho Germano da Silva Gusmão, liu husi via telefone, 01/09/2021.
Nia hatutan,simu tiha karta ne’e kleur tiha ona mas versaun la hanesan ho ida publika iha púpliku ne’e nian ne’e oin seluk ne’e ketak ne’e espesial ba nia (Parte Martinho Gusmão) maibé ba públiku ne’e mak ida-ne’e de’it.
“Ha’u la ses husi uma kreda maibé ha’u nia karta ne’e suspensaun husi knaar nai-lulik nian ne’eduni nafatin iha Igreja Katólika ha’u sarani nafatin iha ha’u nai-lulik nafatin ih karta ne’eba hateten de’it kona-ba suspensaun, agora demisaun ne’e hein tan Santu padre haruka karta mai mak ha’u nia demisaun ne’e kumpre ha’u iha Igreja Katólika,”esplika Padre Martinho.
Ho karta suspensaun husi bispu dioseze Baukau, signifika Padre Martinho Gusmão laiha ona impedimentu atu kandidatu an ba Prezidente Repúblika, maibé molok to’o iha ne’ebá ha’u sei marka data hasoru tan bispu Dili ho Maliana, atu hanesan fo hatene mezmu nia dioseze Baukau nian, maibé ba Igreja Katólika nian tenke ser fo hatene mós atu ba oin ne’e bispu nain tolu hanoin oinsá ko’alia atu hatudu duni katak padre Martinho Gusmão Rasik, ba nu’udar sarani ida ne’ebé oferese husi Igreja Katólika ho ninia beckground nu’udar nai-lulik.
“Maibé keta haluha katak, ha’u sei amu lulik nafatin tanba ha’u seidauk hetan karta husi ami papa, ha’u amu lulik nafatin, maibé ho karta ami bispu nian ne’e ha’u hetan ona permisaun atu bele tama iha vida polítika,” tenik Padre Martinho.
Antes ne’e iha loron 30 de Agostu 2021, hatan ba Padre Martinho Germano da Silva Gusmão, nia vontade no desizaun, bainhira prosesu kanóniku sei la’o hela,
‘‘Ha’u nu’udar Bispo Dioseze Baukau dekreta suspensaun ministériu saserdotál, katak hahú loron 20 de Agostu 2021 ba oin, hapara padre ne’e nia atividade sira hotu ne’ebé sakramentu orden haraik ba nia atu hala’o iha uma kreda,’’ dehan Bispu Dioseze Baukau Dom Basiliio do Nascimento liu husi karta komunikadu imprensa hasai foin lalais ne’e.
Jornalista : Egidio Nono
Editór : Agapito de Deus
